web counter
LEXO PA REKLAMA!

SHKARKO APP

App Store
Google Play

E fundit!

x

Protesta e 11 korrikut/ Këlliçi: Lajtmotiv kryesor, ultimatumi për lirimin e Berishës

25 Qershor 2024, 22:33, Politikë CNA
Protesta e 11 korrikut/ Këlliçi: Lajtmotiv kryesor, ultimatumi
Belind Kelliçi

Drejtuesi politik i PD-së për Tiranën, Belind Këlliçi ka zbuluar detaje për protestën që do të zhvillohet në 11 Korrik para Kryeministrisë.

Këlliçi, në një dalje televizive theksoi se lajtmotiv kryesor duhet të jetë kërkesa dhe ultimatum për lirimin e kryetarit të PD-së, Sali Berisha si dhe krijimi i qeverisë teknike.

Ai ka nënvizuar se opozita nuk mundet të shkojë në një process me rezultat zgjedhor të paracaktuar.

“Lajtmotivi kryesor duhet të jetë kërkesa dhe ultimatumi për lirimin e kryetarit të PD-së, Prof. Dok. Sali Berishës, i cili për 175 ditë vijon të mbetet pa fakte pa prova pa akuzë në arrest shtëpie, ndërkohë që nga të njëjtat organe të drejtësisë, hajdutët e kapur në flagrancë siç është rasti i Erion Veliajt me rastin e inceneratorit të Tiranës dhe 5D-së nuk i përmendet emri.

Bashkë me kërkesën për lirimin e kryetarit të opozitës është edhe krijimi i qeverisë teknike. Nuk mundet që ne të shkojmë si opozitë, si PD, në një proces me një rezultat zgjedhor të paracaktuar.

E kemi parë Edi Ramën i cili në 11 vite si kryeministër ka menaxhuar të paktën 4 palë zgjedhje dhe në të gjitha këto zgjedhje ka futur duart në zgjedhje, ka vjedhur zgjedhjet, ka deformuar procesin dhe fenomeni i shit-blerjes së votës, trendi ka qënë çdo herë në rritje.

Të gjithë procesin zgjedhor ia ka besuar bandave, ia ka besuar krimit të organizuar, mafias kombëtare dhe ndërkombëtare dhe procesi zgjedhor në Shqipëri është vrarë”, u shpreh Këlliçi./ CNA





Lajmet e fundit nga