web counter
LEXO PA REKLAMA!

SHKARKO APP

App Store
Google Play

Shehaj "shuplakë" socialistëve/ Keni mbushur xhepat me paratë e vjedhura të qytetarëve

27 Qershor 2024, 19:00, Politikë CNA
Shehaj "shuplakë" socialistëve/ Keni mbushur xhepat me
Kryetari i Partisë Mundësia, Agron Shehaj. Burimi, LSA

Kryetari i Partisë Mundësia, Agron Shehaj, reagoi me tone të ashpra për skandalin tek Onkologjiku, ku mjekët shisnin ilaçet e kimioterapisë te spitalet private dhe i drejtonin më pas në këto spitale ntë sëmurët me tumor.

Shehaj tha në Parlament se në thelb, ilaçet e të sëmurëve ia ka vjedhur qeveria, jo vetëm mjekët e përfshirë në këtë skandal.

Ai deklaroi se rasti me mjekimet e të sëmurëve me tumor është i neveritshëm.

Sipas tij, paratë e vjedhura të qytetarëve gjenden në xhepat e ministrave, deputetëve, drejtorëve, kryebashkiakëve dhe të mjekëve.

“Ne thelb, ilaçet e të sëmurëve i keni vjedhur ju. I vjedh qeveria juaj. Çdo ditë dëgjojmë se si vidhet, në çdo fushë dhe nivel të administratës dhe qeverisë. Vjedh kryeministri nëpërmjet kompanive offshore. Vjedh zv.kryeministri që sot është në arrati, vjedhin ministrat, vjedhin deputetët, vjedh kryebashkiaku i Tiranës dhe drejtorat, vjedhin zëvendësministrat. 

Të gjithë vjedhin sa munden dhe ku munden. Dhe vjedhin edhe mjekët. Është e neveritshme kur zbulojmë që mjekët vjedhin ilaçet e të sëmurëve me tumor, por në thelb ato ilaçe nuk i kanë vjedhur vetëm ata. Në thelb ilaçet e te sëmurëve i keni vjedhur ju, ato para janë në xhepat tuaj.

Ju ftoj të fusni dorën në xhep dhe do gjeni paratë e ilaçeve të vjedhur, të pajisjeve mjekësore që nuk funksionojnë, të pronave që ju keni vjedhur qytetarëve, të tenderave të korruptuar, 100 milionë euro të Check Up-it, 100 milionët e sterilizimit, etj.

Çfarë mendoni se njerëzit nuk e dinë? Nuk ju shohin? Nuk ju neverisin?”, nënvizoi Shehaj.





Lajmet e fundit nga