web counter
LEXO PA REKLAMA!

SHKARKO APP

E fundit!

x

Alibeaj konfirmon CNA-në/ Basha me parti të re

26 Qershor 2024, 18:36, Politikë CNA
Alibeaj konfirmon CNA-në/ Basha me parti të re
Deputeti Enkelejd Alibeaj

Deputeti Enkelejd Alibeaj ka konfirmuar paralajmërimin e CNA që pas humbjes së vulës, të cilën Gjykata e Apelit ia dorëzoi kreut, Sali Berish, Lulzim Basha do të krijojë një parti të re.

Këtë skemë CNA e ka zbuluar pak ditë më parë, duke treguar dhe lëvizjen që do të bënte Lulzim Basha pas humbjes së vulës.

Faktin që Lulzim Basha ka krijuar partinë e re, e ka konfirmuar dhe deputeti Enkelejd Alibeaj, një nga bashkëpunëtorët e ngushtë dhe besnikët e Lulzim Bashës.

Ai është shprehur gjatë një interviste se Basha do të vijë me një parti të re.

“Ne sot kemi një identitet politik dhe ideologjik, strukturor, ka një program, dhe kemi detyrimin që me maturi t’i japim këtyre njerëzve një mundësi të mirë siç koha e kërkon që ata të përfaqësohen në zgjedhjet e ardhshme. Nuk ka rëndësi emri e logo, por brendia”, ka deklaruar Alibeaj.

Ky i fundit pak ditë më parë luajti skemën e largimit nga grupi parlamentar i PD-së në shenjë respekti për vendimin e Gjykatës së Apelit, e cila i dha vulën dhe logon e Partisë Demokratike Sali Berishës.

Por Enkelejd Alibeaj duket se tashmë do të jetë pjesë e partisë së re të Lulzim Bashës./ CNA

 





Lajmet e fundit nga