web counter
LEXO PA REKLAMA!

SHKARKO APP

App Store
Google Play

E fundit!

x

Luli vijon mashtrimet: Do bëj rekurs për vulën, gjyqtarët e Apelit do i çoj në SPAK

27 Qershor 2024, 22:12, Politikë CNA
Luli vijon mashtrimet: Do bëj rekurs për vulën, gjyqtarët e
Lulzim Basha, burimi LSA

Lulzim Basha ka vijuar talljen me Kryesinë e tij për çështjen e vulës së Partisë Demokratike.

Pasi gënjeu demokratët, Luli ka filluar t’i besojë edhe vetë fjalët e tij boshe.

Pavarësisht se me formim juridik dhe e di shumë mirë që e ka të pamundur ta marrë sërish vulën dhe siglën e PD-së, Basha këmbëngul së do të bëjë rekurs në Gjykatën e Lartë.

Këtë mashtrim publik, ai e përsëriti sërish mbrëmjen e kësaj të enjteje në një emision televiziv.

“Nuk pati gjykim themeli në Apel, sikundër udhëzonte Gjykata e Lartë. Me çështjen do të merren juristët, ne nuk harxhojmë asnjë minut kohë me këtë debat shterpë”, u shpreh Luli.

Madje, kësaj radhe tallja e Bashës ishte edhe më e madhe. Ai tha se do të padisë në SPAK gjyqtarët e Apelit që morën vendimin për vulën.

“Berisha dhe Rama janë dinosaurët që nuk duan të flitet për asgjë. Njëri thotë do mbaj vulën për tu mbrojtur nga amerikanët, tjetri thotë mbaj vulën ti se unë do mbaj pushtetin. Dhe po të jap dhe një lajm sonte, për të tre gjyqtarët po përgatitet materiali për të parë nëse mund t’i kallëzojmë në SPAK dhe në KLGJ. Prandaj po të them që ne jemi institucional”, theksoi Basha./ CNA





Lajmet e fundit nga