web counter
LEXO PA REKLAMA!

SHKARKO APP

App Store
Google Play

Teliti: Bashkia e Tiranës vodhi dje edhe 80 milionë euro të tjera

28 Qershor 2024, 12:18, Politikë CNA
Teliti: Bashkia e Tiranës vodhi dje edhe 80 milionë euro të tjera
Këshilltari për Çështjet Ekonomike në Partinë Demokratike, Dorian Teliti

Këshilltari për Çështjet Ekonomike në Partinë Demokratike, Dorian Teliti, ka hedhur akuza ndaj Bashkisë së Tiranës, gjatë protestës kundër Erion Veliajt.

Teliti tha se ditën e djeshme Bashkia e Tiranës ka marrë edhe 80 milionë euro të tjera nga taksat e banorëve të kryeqytetit.

Sipas tij, 80 milionë eurot janë marrë me pretendimin se do të sigurohet ujë 24 orë për qytetarët e Tiranës.

Ai ngriti pikëpyetje se ku po shkojnë këto para.

“Në fasadë kanë vënë flamurin kombëtar, por brenda është një çerdhe hajdutësh. Dje vodhën edhe 80 milionë euro, dhe për çfarë, për të siguruar gjoja ujë 24 orë për qytetarët e Tiranës. Po a e rriten çmimin para 8 vitesh me 44 për qind pikërisht që të ketë ujë 24 orë. Ku i çuan paratë? Paratë i vodhën.

Siç u pa me 5 drejtorët e tij që bënë tenderë me ujësjellësit duke marrë miliona e miliona euro, duke i vjedhur ato 100 për qind në xhepat e tyre. Çfarë bëmë dje, ndonëse unë i dua kafshët, zyrtarizuam, por nuk mund të pranoj që një fëmijë të marrë më pak ndihmë ushqimore sesa një kafshë e kopshtit zoologjik. Nuk e pranoj dot, jo. Nuk pranoj që fëmijët e Tiranës të marrin ndihmë ekonomike 15-20 mijë lekë në muaj, ndërkohë që për kafshët e kopshtit zoologjik paguhet dy apo tri herë më shumë.

S'e pranoj dot ndonëse kafshët i dua, por njeriu është mbi të gjitha. Dhe këta këtu janë për të qeverisur Tiranën dhe njerëzit dhe jo për të vjedhur, jo për të trajtuar njerëzit më keq sesa kafshët. Kjo është fytyra e vërtetë e Bashkisë së Tiranës që në fasada ka flamurin kombëtar, por derën e saj e ka të mbyllur me zinxhirin e korrupsionit...”, theksoi Teliti./ CNA





Lajmet e fundit nga