web counter
LEXO PA REKLAMA!

SHKARKO APP

App Store
Google Play

E fundit!

x

Ku është fshehur Alibeaj?

28 Qershor 2024, 14:31, Politikë CNA

Pasi nxori një intervistë pak ditë më parë, Enkelejd Alibeaj u zhduk përsëri.

Ish-funksionari i Drejtorisë Antikorrupsion të Sali Berishës, i përcjellë ministër Drejtësie nga Sali Berisha, u zhduk nga publiku përsëri.

Në karrierën e Enkelejd Alibeajt nuk mbahet mend asgjë.

Alibeaj nuk mund të citohet nga askush për ndonjë akt, angazhim, arritje, sukses, reformë, fjalim, draft apo qoftë edhe ndonjë ngjarje profesionale më të vogël sesa këto.

Alibeaj si kryetar i Grupit Parlamentar të Luli Bashës, nuk mblidhte dot as 3 deputet bashkë.

Mes gjithë deputetëve të dalë nga sigla PD, ishte më i papranuari dhe i pakonsideruari si kryetar i Grupit Parlamentar, jo vetëm në historinë e kryetarëve të Grupeve Parlamentare që ka pasur PD.

Alibeaj ishte deputeti më i pakonsideruar dhe i papranuar edhe si koleg mes deputetëve të dalë nga sigla PD e jo më si kryetar i Grupit Parlamentar.

I paartikuluar, i paaftë për punë në grup, me probleme të thella komunikimi jo vetëm në publik, por edhe në raporte të ndërsjella me këdo tjetër që nuk quhet Enkelejd Alibeaj, ai u njoh nga publiku vetëm se dilte nëpër fotografi si kryetar i Grupit Parlamentar në krah të Luli Bashës.

Nuk ka demokrat sot që mund të mbajë mend ndonjë të thënë apo të bërë nga Enkelejdi.

Në intervistën e tij të tipit, "shkruaji vetë edhe pyetjet edhe përgjigjet", Alibeaj mes të tjerave tha që çdo vendim në PD-në e Bashës e merrte Berisha.

Ku është fshehur Alibeaj?
Enkelejd Alibeaj dhe Lulzim Basha, burimi: LSA

Po Alibeaj si rrinte në PD?

Si ushtar i Lulit, apo si ushtar i ushtarit të Berishës?

Si hyri Alibeaj në listë për deputet?

Apo listat i bënte Berisha, por i linte kuotën Lulit dhe Luli fuste Alibeajn te racioni i vet?

Cila paska qenë kuota që zotëronte Luli Basha në PD?

Ku ishte Alibeaj kur paska qenë ndarë torta e pushtetit mbi Partinë Demokratike dhe pse heshtte ai sa kohë dikush i hidhte një copë?

Alibeaj në daljen e tij pranoi që kishte ngatërruar adresën e ankimimit ndaj akteve të Foltores dhe depozitimit të tyre në Regjistrin e Partive Politike.

Ku është fshehur Alibeaj?
Enkelejd Alibeaj, burimi PD

E ngatërroi Gazi dhe Alibeaj ngatërroi Lulin, apo ishte Luli që i ngatërroi të gjithë i mësuar të ndiqte vetëm porositë e Berishës.

Alibeaj është shumë i mirëpritur të japë një intervistë për CNA.al.

Pyetjet janë këto më lart si dhe ato të bëra në adresë të Alibeajt para pak ditësh.

Alibeaj boll të shkruajë përgjigjet... kur të kthehet nga pushimet apo kur t'i vijë radha të krijojë mbase partinë që as e deklaron, as e kundërshton.

Si duket ka marrë porosi që të mos jetë shumë i vendosur. Se "nuk i dihet akoma"!/ CNA





Lajmet e fundit nga