web counter
LEXO PA REKLAMA!

SHKARKO APP

App Store
Google Play

E fundit!

x

Bardhi sulmon Olsi Ramën/ "Po sillet si budalla, konfirmoi denoncimin tim"

28 Qershor 2024, 15:11, Politikë CNA
Bardhi sulmon Olsi Ramën/ "Po sillet si budalla, konfirmoi denoncimin
Kreu i Grupit Parlamentar të PD-së, Gazment Bardhi. Burimi, PD

Kreu i Grupit Parlamentar të PD-së, Gazment Bardhi, ka reaguar pas deklaratës së Olsi Ramës para SPAK-ut, ku u paraqit këtë të premte.

Në një status në rrjetet sociale, Bardhi e quan Olsi Ramën budalla, ndërsa thotë se po përdor strategji të gabuar.

Sipas tij, vëllai i kryeministrit Edi Rama konfirmoi sot denoncimin e tij për njohje me trafikantët e drogës.

“Të sillesh si budalla përpara derës së SPAK-u është një strategji e gabuar që nuk të shpëton nga e vërteta! Të thuash që ke përdorur makinën e trafikantëve të drogës, por trafikantët nuk i njeh, është një gënjeshtër banale.

Olsi Rama konfirmoi përpara derës së SPAK gjithçka kam denoncuar për të. Deklarimet e tij publike janë e vërteta më e madhe e kësaj çështjeje: “Një herë deklaroi se njeh njërin nga trafikantët, sot tha nuk njoh asnjërin. Një herë s’kam udhëtuar me narkomakinën, sot tha kam udhëtuar vetëm një herë”.

Por, sot vëllai i vogël i Edi Ramës gënjeu sërish publikisht kur tha se e ka përdorur vetëm njëherë narkomakinën AA 653 DM. Të dhënat zyrtare të sistemit TIMS dokumentojnë të kundërtën, se ai ka përdorur të paktën 7 herë narkoautomjetin AA 653 DM për daljet e tij jashtë vendit gjatë periudhës kur ndërtohej laboratori i drogës në Xibrakë.

Gënjeshtra e ditës dhe alibitë nuk janë as mjet mbrojtës dhe as zgjidhje. E vërteta ndodhet në procedimin penal 335/1-2016 që u tentua të varrosej nga prokuroria, por që sot mban numrin 88-2024! Inkurajoj SPAK t’i shkojë me guxim deri në fund të vërtetës, duke na provuar se në Shqipëri nuk ka persona të paprekshëm!”, shkruan kreu i Grupit Parlamentar të PD-së./ CNA

Bardhi sulmon Olsi Ramën/ "Po sillet si budalla, konfirmoi denoncimin





Lajmet e fundit nga