web counter
LEXO PA REKLAMA!

SHKARKO APP

App Store
Google Play

Fatmir Mediu në OSBE: Krimi i organizuar dhe korrupsioni, faktorë kyç për destabilitet

1 Korrik 2024, 17:29, Politikë CNA
Fatmir Mediu në OSBE: Krimi i organizuar dhe korrupsioni, faktorë
Kryetari i PR-së, Fatmir Mediu. Burimi, CNA

Në një nga seancat e debateve për sigurinë e Europës që po zhvillohen në Sesionin Vjetor të Asamblesë Parlamentare të OSBE-së në Bukuresht, kryetari i PR-së, Fatmir Mediu ngriti si shqetësim rrezikun që i vjen Ballkanit nga krimi i organizuar dhe korrupsioni.

Mediu theksoi se stabiliteti në Shqipëri dhe Ballkan ka edhe dy armiq të tjerë të mëdhenj, krimin e organizuar dhe korrupsionin, që e kanë bazën te goditja e zgjedhjeve të lira e të ndershme.

“Ne, në vendet tona, duhet të sigurojmë demokracinë, bazuar në zgjedhje të lira e të ndershme. Dhe është pikërisht aty ku nis krimi i organizuar, me blerjen e votave me intimidimin e votuesve, pa zgjedhje të lira e të ndershme”, u shpreh ai gjatë fjalës së tij në Asamblenë Parlamentare të OSBE-së.

Fatmir Mediu në OSBE: Krimi i organizuar dhe korrupsioni, faktorë
Kryetari i PR-së, Fatmir Mediu. Burimi, CNA

Kryetari i Partisë Republikane i kërkoi Organizatës të ketë më shumë vëmendje oër rajonin e Ballkanit, veçanërisht oër standardet e zgjedhjeve.

“Duke qenë se OSBE qendron për zgjedhje të lira e të ndershme, do të kërkoja më shumë vëmendje për rajonin, për standardet e zgjedhjeve, respektimin e të drejtave dhe liritë e qytetarëve tanë, sepse kjo është, gjithashtu, shumë, shumë shqetësuese dhe një kërcënim shumë i madh për stabilitetin tonë në rajon”, tha Mediu në fjalën e tij në Sesionin Vjetor të OSBE-së që po mbahet në Bukuresht./ CNA

Fatmir Mediu në OSBE: Krimi i organizuar dhe korrupsioni, faktorë
Kryetari i PR-së, Fatmir Mediu. Burimi, CNA




Lajmet e fundit nga