web counter
LEXO PA REKLAMA!

SHKARKO APP

App Store
Google Play

E fundit!

x

Çfarë rrezikojnë drejtorët e Veliajt pas akuzave të reja

3 Korrik 2024, 21:15, Politikë CNA
Çfarë rrezikojnë drejtorët e Veliajt pas akuzave të
Fotomontazh - Mariglen Qato, Taulant Tusha dhe Redi Molla

Këtë të enjte është zbardhur një vendim i Apelit të Posaçëm që rëndon akuzën për drejtorët e Erion Veliajt, të arrestuar për korrupsionin në Bashkinë e Tiranës, me dosjen “5D”.

Apeli i GJKKO-së i ka konsideruar drejtorët e Veliajt si një grup të strukturuar kriminal.

Kjo do të thotë se drejtorët e Bashkisë së Tiranës nuk akuzohen vetëm për veprat penale "korrupsion pasiv", në bashkëpunim të thjeshtë, "mosdeklarim pasurie" dhe "Shkelje të barazisë në tenderë".

Me akuzat e mëparshme, bashkëpunëtorët e Veliajt rrezikonin dënime me 4-6 vite heqje lirie, por nëse trajtohen si grup i strukturuar kriminal, rrezikojnë dënime deri në 15 vite burg.

Kujtojmë se të arrestuar për dosjen “5D” janë Redi Molla, ish-drejtor i Ujësjellës Kanalizimeve në Bashkinë Tiranë, Taulant Tusha, ish-drejtor i Punëve Publike në Bashkinë e Tiranës dhe Mariglen Qato, ish-drejtor i Inspektoriatit të Mbrojtjes së Territorit, në Bashkinë Tiranë.

Gjiithashtu ka 6 masa të tjera sigurie, ku bëjnë pjesë ish-anëtarë komisioni të vlerësimit të ofertave.

Sipas prokurorisë, Redi Molla përgjatë kohës që ushtronte funksionin e drejtorit në Ujësjellës Kanalizime Tiranë dhe Mariglen Qato gjatë kohës që ushtronte funksionin e drejtorit të Departamentit Mbështetës në UKT kanë shpallur fituese shoqërinë “5D Konstruksion” sh.p.k. në 11 tenderë.

SPAK-u ka prova se kjo shoqëri zotërohej nga 3 persona, të cilët ishin ortakë fiktivë, ndërsa ortakët e vërtetë dhe pronarët “de facto” ishin Mariglen Qato dhe Redi Molla, të cilët kanë pasur lidhje shoqërore dhe lidhje miqësore.

SPAK-u deklaroi se kompania është shpallur fituese në këta tenderë nga viti 2016 deri në 2020./ CNA





Lajmet e fundit nga