web counter
LEXO PA REKLAMA!

SHKARKO APP

App Store
Google Play

Si u mor peng ish-kreu i opozitës/ Zbardhet skenari

27 Janar 2023, 13:02, Politikë CNA

Si u mor peng ish-kreu i opozitës/ Zbardhet skenari

Kreu i PD-së, Sali Berisha, ka thënë se McGonigal kreu akte kundër opozitës demokratike të një vendi, me qëllimin makabër të marrjes peng të kreut të saj, duke iu referuar kështu Lulzim Basha.

Sipas tij, ajo që ka revoltuar në shkallë ekstreme qytetarët shqiptarë, është fakti se Edi Rama ka arritur me fuqinë e tij korruptive të shndërrojë në mburojë korrupsionin ndërkombëtar, në mburojë të pushtetit të tij të korruptuar.

“Unë kam denoncuar këtu para jush këtë fenomen, ndër më të rrezikshmit, këtë pasojë, këtë fenomen, i cili arrin në formën më kulmore në rastin e regjimit të Edi Ramës.

Paguhet njeriu më i besuar i FBI-së për të sulmuar, për të ndërmarrë veprime, akte kundër opozitës demokratike të një vendi, me qëllimin makabër të marrjes peng të kreut të saj.

Kur një akt i tillë kryhet ndaj një zyrtari të atij niveli të një vendi të lirë, përbën krimin më të shëmtuar, të cilët nuk mund të veprojnë kurrë ndaj një vendi tjetër të lirë.

SHBA udhëheqin me vlerat, parimet dhe lirinë që ato mbrojnë.

Edi Rama rekruton me korrupsion McGonigal për t’i futur thikën opozitës, për të çimentosur pushtetin korruptiv të Edi Ramës”, ka thënë Berisha./CNA.al





Lajmet e fundit nga