web counter
LEXO PA REKLAMA!

SHKARKO APP

App Store
Google Play

"Është urgjente rezoluta"/ Bardhi përplaset me Nikollën për Kosovën: Nuk mund të jemi ne të fundit

4 Tetor 2023, 12:46, Politikë CNA

"Është urgjente rezoluta"/ Bardhi përplaset me

Në mbledhjen e Konferencës së kryetarëve, kreu i grupit parlamentar të PD-së, Gazment Bardhi, kërkoi seancë urgjente për Kosovën.

"Është urgjente që të zhvillojmë mocionin me debat. Nuk mundet ne të jemi të fundit. PE e ka zhvilluar", u shpreh Bardhi. 

Partia Socialiste propozoi që rezoluta dhe mocioni me debat të mos jenë urgjente. Kryetarja e Kuvendit, Lindita Nikolla, u shpreh që debati bashkë me rezolutën të bëhen më 19 tetor. 

 "Propozoj që debati bashkë me rezolutën të bëhen më 19 tetor", u shpreh Nikolla. 

I së njëjtës linjë veprimi ishte edhe kreu i Grupit Parlamentar të PS-së, Bledi Çuçi. 

"Nuk mund të nxitojmë. Çdo rezolutë duhet të mbajë ndër mend pozicionin e Shqipërisë që ka në NATO dhe në çdo organizëm. Data mund të rishikohet që të jetë më shpejt, ndoshta të enjten e seancës. Por të hënën nuk mund ta bëjmë dot", u shpreh ai. 

Në diskutim ndërhyri edhe deputetja Jorida Tabaku, e cila u shpreh: "Shembullin për rezolutë të përbashkët na e dha Kosova. Nuk e kemi kompleks. Rëndësi ka vullneti, mund ta arrijmë edhe të hënën"./CNA.

 





Lajmet e fundit nga