web counter
LEXO PA REKLAMA!

SHKARKO APP

App Store
Google Play

Berisha zbulon “prapaskenat”/ Takimi i fshehtë i Ramës me Vuçiç në Nju Jork

2 Tetor 2023, 22:10, Politikë CNA
Berisha zbulon “prapaskenat”/ Takimi i fshehtë i Ramës me
Ish-kryeministri Sali Berisha

Ish-kryeministri Sali Berisha bëri një deklaratë të fortë mbrëmjen e sotme, teksa foli në lidhje me situatën e tensionuar Kosovë-Serbi dhe qëndrimet e kryeministtrit Edi Rama.

Berisha tha në një intervistë televizive se Rama zhvilloi një takim me presidentin serb, Aleksandër Vuçiç, në Nju Jork.

Ai pretendon se ky takim u mbajt i fshehtë për shkak të një plani djallëzor që kreu i qeverisë gatoi me presidentin serb.

“Ai kalkuloi keq. Ai kishte bërë një takim të fshehtë, sipas burimeve, me Edi Ramën, në Nju Jork dhe ai e konsideronte se Albin Kurti ishte njeriu i demonizuar nga komuniteti ndërkombëtar dhe ai mashtrimet e tij, të turpshme, të krijuara në një mit dhe aspak një realitet, të terrorit që ushtrohet gjoja ndaj serbëve në komunat e veriut nga qeveria e Kosovës, që është absolutisht gënjeshtër, kanë zënë vend dhe në një farë mënyre sipas tij do të justifikonin para komunitetit ndërkombëtar këtë rebelim të serbëve të veriut të organizuar nga Beogradi”, u shpreh kreu i PD-së.

Sipas tij, kërkesa për vendosjen e komunave të veriut të Kosovës nën kontrollin e KFOR-it ishte një skenar i përgatitur në takimin sekret.

“Ai kurrë nuk e cilësoi akt terrorist sulmin dhe vrasjes e oficerit të Policisë së Kosovës dhe plagosjen e dy të tjerëve. Së dyti nuk citoi ndonjëherë Beogradin apo Vuçiç si organizator i këtij akti. Së treti, arriti gjer në cinizmin më ekstrem, nuk shprehu ngushëllime për familjen Bonjaku dhe forcat e Policisë së Kosovës. Së fundmi, më e rëndësishmja kërkoi me urgjencë vendosjen e komunave të veriut të Kosovës nën kontrollin e KFOR. Ishte skenar i bashkërenduar në skenarin e fshehtë në Nju Jork”, theksoi Berisha./ CNA





Lajmet e fundit nga