web counter
LEXO PA REKLAMA!

SHKARKO APP

App Store
Google Play

E fundit!

x

Berisha sërish thirrje për protesta të fuqishme/ Ende pa asnjë datë

2 Tetor 2023, 19:36, Politikë CNA

Berisha sërish thirrje për protesta të fuqishme/ Ende pa

Kryetari i Partisë Demokratike, Sali Berisha bëri sërish thirrje për protesta të fuqishme kundër Qeverisë, teksa foli për raportin e OSBE-ODIHR-it për zgjedhjet e 14 majit.

Në një prononcim për mediat pas daljes nga Kuvendi, Berisha tha se qytetarët që janë të interesuar për votën e lirë duhet të ngrihen në protestë.

“Në një votë të kontrolluar, siç thotë qartësisht raporti i OSBE/ODIHR, në një votë të blerë, siç thotë qartësisht blerje masive, në një votë në terror, siç fakton raporti, nuk ka asgjë që mund të provojë humbjen e opozitës.

Të gjitha këto provojnë vjedhjen e votës. Për ata që mendojnë se Edi Rama vodhi zgjedhjet dhe i fitoi ato, ato nuk bëjnë gjë tjetër përveçse përligjin vjedhjen dhe kjo është katastrofë.

Unë u drejtohem atyre që janë të interesuar për votën e lirë. Ata janë të paktën 600 mijë që nuk u ndikuan nga asnjë masë dhe votuan në misionin e tyre të ri. Të ngrihemi kundër këtij regjimi dhe ne do përgatitemi për një lëvizje të qëndrueshme me qëllimin më madhor, që shqiptarët të votojnë të lirë si popujt e tjerë të rajonit”, deklaroi ai, ndërsa nuk dha një datë për mbajtjen e protestës./ CNA





Lajmet e fundit nga