web counter
LEXO PA REKLAMA!

SHKARKO APP

App Store
Google Play

Balluku tregon planet/ Akset në të cilat do të investohet për përmirësimin e qarkullimit

3 Tetor 2023, 18:04, Politikë CNA

Balluku tregon planet/ Akset në të cilat do të investohet

Zëvendëskryeministrja, njëherësh ministrja e Infrastrukturës dhe Energjisë, Belinda Balluku, tregoi planet infrastrukturore për një mbarëvajtje sa më të mirë të turizmit.

Balluku tha se një nga prioritetet e saj është korridori blu, i cili do të lehtësonte qarkullimin në pjesën e Krujë - Fushë Krujës dhe të gjitha akseset për hyrjen në Lezhë.

Ajo deklaroi se akualisht të gjitha kontratat janë aktive pavarësisht se ndodhen në faza të ndryshme.

“Ne kemi nisur një punë, e cila është e domosdoshme dhe shpresoj që të gjitha kontratat të ecin me të njejtën shpesjtësi që ecin kantieret në 5 vitet e fundit dhe bëhet fjalë për korridorin blu.

Korridori blu do t’i jepte një frymëmarrje të jashtëzakonshme të gjithë aksit të perëndimit, të ultësirës perëndimore, por mbi të gjitha aksit perëndimor të veriut, i cili nuk duhet të mohojmë faktin që ka një trafik shumë të rënduar, sidomos pjesë e Krujë - Fushë Krujës dhe të gjitha akseset për hyrjen në Lezhë.

Por për momentin të gjitha kontratat janë aktive, në faza të ndryshme, disa në fazat e ndërtimit, disa në fazat e lidhjes së kontratës, por rëndësi ka që ky korridor tashmë është definuar dhe na duhet vetëm të punojmë fort për ta mbyllur sa më parë”, tha zv.kryeministrja gjatë fjalës së saj për bilancin e sezonit turistik veror.

Gjithashtu, Balluku u shpreh se ministria e Infrastrukturës do të investojë në akset Levan-Gjirokastër, Elbasan-Lekaj dhe aksin në Ksamil./ CNA





Lajmet e fundit nga