web counter
LEXO PA REKLAMA!

SHKARKO APP

App Store
Google Play

Kundër turizmit “low cost”/ Rama: Nuk sjell të ardhura ekonomike, dua jahte

3 Tetor 2023, 18:39, Politikë CNA
Kundër turizmit “low cost”/ Rama: Nuk sjell të ardhura
Kryeministri Edi Rama

Kryeministri Edi Rama foli sërish për turizmin “low cost” në Shqipëri, që ka tërhequr një numër të madh vizitorësh në vendin tonë.

Rama tha se nukduhet që Shqipëria të krijojë perceptimin e turizmit “low cost”. Ai deklaroi se arsyeja pse nuk e dëshiron një turizëm të tillë është për shkak se nuk sjell të ardhura.

Kreu i qeverisë theksoi se 400 jahte sjellin të ardhura në ekonominë shqiptare aq sa 40 mijë turistë “low cost”.

“Shqipëria duhet të mos karakterizohet, të mos profilizohet dhe të mos përmbyllet në perceptimin e ri që ka krijuar si një vend i turizmit ‘low cost’. Ne nuk duam dhe nuk mund të jemi një vend i turizmit ‘low cost’. Ne duhet të jemi një vend ku ka edhe turizëm ‘low cost’, por edhe ku ka turizëm të nivelit të lartë që sjell konsumatorët e mëdhenj sepse ata sjellin shumë më tepër para për ekonominë tonë.

Çfarë sjellin 400 jahte është e barabartë se çfarë sjellin 40 mijë turistë ‘low cost’ që të jemi të qartë. Kjo vlen dhe për ata që thonë këta mbështesin jahtet, ne nuk mbështesim jahtet, ne mbështesim ekonominë dhe prandaj duhet të krijohen portet turistike dhe prandaj duhet që Shqipëria të bëhet një vend që të sjellë sa më shumë jahte, sa më shumë anije të vogla turistike dhe sa më shumë turistë, të cilët kur prekin tokën konsumojnë 50 herë më shumë sesa personi që vjen përmes tokës”, theksoi Rama./ CNA





Lajmet e fundit nga