web counter
LEXO PA REKLAMA!

SHKARKO APP

App Store
Google Play

E fundit!

x

Evazion fiskal në ndërtim/ Bardhi, akuza Ramës: Është bashkëpunëtor

3 Tetor 2023, 19:49, Politikë CNA
Evazion fiskal në ndërtim/ Bardhi, akuza Ramës: Është
Deputeti i PD-së, Gazment Bardhi

Këtë të martë, kryeministri Edi Rama zhvilloi një takim me ndërtuesit, ku foli për evazionin fiskal në këtë sektor dhe paralajmëroi se nuk do të lejojë deklarime jo të sakta të shitjes së banesave.

Për këtë deklaratë të Ramës, ka ardhur një reagim nga deputeti i PD-së, Gazment Bardhi, i cili thotë se ky deklarim i kreut të qeverisë është i vlefshëm për SPAK-un.

Por Bardhi drejtoi gishtin nga Rama, teksa e akuzoi se ka lejuar të rritet evasioni fiskal duke qenë në dijeni të tij.

Sipas tij, kryeministri ka bashkëpunuar për rritjen e evazionit duke u dhënë leje të reja ndërtuesve që fshehin të ardhura.

“Edi Rama ka bërë sot një deklarim të vlefshëm për SPAK-un. Kryeministri e di që në biznesin e ndërtimit ka evazion fiskal dhe jo vetëm e ka lejuar të ndodhë, por ka bashkëpunuar për rritjen e evazionit duke u dhënë leje të reja ndërtuesve që fshehin të ardhurat.

Kush fsheh 5 mijë, 6 mijë, 7 mijë, 8 mijë euro m2 shitje? Nuk ka asnjë dyshim që ndërtuesit e tij të preferuar, të cilët, disa i ka shpallur investitorë strategjikë për resorte në bregdet, disa i pajis me leje për kulla. Në të gjitha rastet është firma e Edi Ramës. Dhe është koha që SPAK ta marrë seriozisht hetimin e kryeministrit për shpërdorim detyre përmes lejimit me mosveprim të evazionit fiskal!”, theksoi Bardhi në reagimin e tij në rrjetet sociale./ CNA





Lajmet e fundit nga