web counter
LEXO PA REKLAMA!

SHKARKO APP

App Store
Google Play

“Shqipëria i ka bërë detyrat e integrimit”/ Rama: E ardhmja është në BE

21 Mars 2025, 18:42, Politikë CNA

“Shqipëria i ka bërë detyrat e integrimit”/ Rama: E

Kryeministri Edi Rama, njëherësh edhe kryetari i Partisë Socialiste, po zhvillon një takim me të rinjtë për prezantimin e kandidatëve të Tiranës. Në fjalën e tij, Rama u ndal gjerësisht te procesi i integrimit të vendit në Bashkimin Europian.

Rama theksoi se Shqipëria i ka bërë detyrat e integrimit dhe se e ardhmja e vendit është në BE.

Rama e konsideroi veten si dëshmitarin më të brendshëm të këtij procesi dhe u shpreh se asnjëherë më parë nuk ka parë dëshirën e BE-së për t’iu bashkuar.

Rama shtoi se Shqipëria është një nga dy vendet që ndodhen më afër pranimit, në një moment që kryeministri e quajti shumë specifik sa i përket ekuilibrave në botë.

“Shqipëria i ka bërë detyrat e veta dhe ka kërkuar që të hapen negociatat, por gjithmonë një nga vendet kanë thënë jo.

Na kanë përsëritur se e ardhmja jonë është në BE.

Unë që jam dëshmitar nga shumë brenda i këtij procesi, kurrë nuk e kam parë atë që shoh sot dhe nuk e kemi prekur më parë si sot dëshirën e tyre që Shqipëria të bëhet anëtare e BE-së.

Ne i kemi bërë detyrat tona.

Sa herë na thonin jo, ne vazhdonim punën dhe bënim shumë detyra paraprakisht.

Ata duan të japin një mesazh që BE po zgjerohet.

Dhe për ta bërë këtë, ka vetëm 2 vende që mund të anëtarësohen shpejt: Shqipëria dhe Mali i Zi.

Ata duan sepse bota është në një situatë tjetër.

Sepse ekuilibrat janë lëkundur dhe pikërisht në këtë momënt dhe arsye, yjet e fatit tonë dhe Europë janë bërë bashkë.

Duam që Shqipëria të hyjë në BE”,-tha Rama./CNA

 





Lajmet e fundit nga