web counter
LEXO PA REKLAMA!

SHKARKO APP

App Store
Google Play

E fundit!

x

PD prezanton kandidatët në zonën e Astirit/ Muçollari: Vetëm një program e nxjerr vendin nga varfëria, numri 1 në fletën e votimit

21 Mars 2025, 16:57, Politikë CNA

PD prezanton kandidatët në zonën e Astirit/ Muçollari:

Partia Demokratike ka prezantuar në zonën e Astirit kandidatët për deputetë, Grigels Muçollari dhe Jonatan Pano.

Anëtari i Kryesisë, Grigels Muçollari gjatë fjalës së tij tha se nuk ka disa lista apo disa alternativa. Ka vetëm një program që e nxjerr vendin nga varfëria tha Muçollari.

“Shqipëria madhështore është e pensionistëve që do të kenë dinjitet pas 12 viteve keqtrajtim, e të rinjve që do të kenë mundësi ta ndërtojnë të ardhmen këtu, e shtresës së mesme, e qytetarëve të lirë. Nuk ka dy lista, apo disa alternativa, por ka vetëm një listë, ka vetëm një program që e nxjerr vendin nga varfëria dhe e fut në rrugën e mirëqënies, që është numri 1 në fletën e votimit”, tha Muçollari.

 

I pranishëm në prezantim, kandidati tjetër në këtë njësi, Jonatan Pano vlerësoi rezistencën që banorët e kësaj zone kanë bërë për pronat e tyre

“Me qendresën tuaj, ju keni qënë një model për Tiranën dhe gjithë Shqipërinë”, pohoi Pano. 

 

Drejtuesi politik i PD për zonën e Astirit, Klevis Balliu tha se kandidatët e PS fshihen pasi kanë hallin e SPAK-ut, ndërsa ata demokratë flasin për shqetësimet e qytetarëve.

“Kandidatët tanë, flasin për kopshte, shkolla e çerdhe, për shqetësimet tuaja, kandidatët e tyre fshihen se kanë hallin e SPAK. Ja si mblidhemi ne këtu, sëbashku, të shumtë e të lirë. I vetmi vend ku ata mund të mblidhen, është burgu”, u shpreh Balliu./ CNA





Lajmet e fundit nga