E fundit!

20:13 Aktualitet

Vendimi i qeverisë/ Shqipëria hap ambasadë në këtë vend të BE-së

Shqipëria do të hapë ambasadën e saj në Irlandë. Vendimi ë...

Panairi i Punës në Fier/ Balluku: Janë shpallur 1800 pozicione pune, nga më shumë se 50 kompani rajonale

21 Mars 2025, 16:41, Politikë CNA

Panairi i Punës në Fier/ Balluku: Janë shpallur 1800 pozicione

Zëvendëskryeministrja, Belinda Balluku ka qenë e pranishme ditën e sotme në Panairin e Punës të zhvilluar në qytetin e Fierit. Gjatë fjalës së saj, Balluku tha se ky është një panairet më të suksesshme të zhvilluara kohët e fundit, në të cilin janë shpallur 1800 vende pune.

Zëvendëskryeministrja tha se janë më shumë se 50 kompani rajonale, të fushave të ndryshme që marrin pjesë në panair. Balluku shpjegoi dhe procedurën se si do të vijohet me ata persona që kanë qenë të intreresuar për punë dhe u janë marrë kontaktet. Zëvendëskryeministrja u shpreh se në panairin e ardhshëm do të ketë më shumë pjesëmarrës.

"Një ditë e rëndësishme në Fier. AKPA ka organizuar një nga panairet e punës më të suksesshme kohët e fundit nëpër gjithë Shqipërinë dhe i erdhi radha dhe Fierit. Nga pjesëmarrja duket që ka shumë djem e vajza të interesuar për pozicionet e punës. Janë shpallur 1800 pozicione pune, nga më shumë se 50 kompani rajonale, që operojnë në fusha të ndryshme. Kemi parë në fushën e ndërtimit, në linjat e prodhimit, në arsim madje dhe hoteleri turizëm. Sot deri në orën 5 të pasdites, do të ishte mirë që të rinjtë që duan të punësohen ta vizitojnë panairin e punës.

Shpesh ndodh që ata që kërkojnë punë janë pak skeptikë dhe dyshues sa i përket aftësisë së një panairi për të punësuar. Por nga ana tjetër me bisedat që bëmë në stenda kemi kuptuar që ofertat janë të vërteta. Të gjithë numrat që janë marrë dhe kontaktet për sa u përket interesit të ndryshëm, do të kalojnë më pas në një fazë intervistimi për të vazhduar me kontratat, sigurisht me ata që përmbushin kushtet. Ka qenë një ditë shumë frytdhënëse. Në panairin tjetër për shak të të gjithë rasteve të suksesit që do vijnë përmes këtij panairi do ketë edhe më shumë pjesëmarrës", tha Balluku./ CNA