web counter
LEXO PA REKLAMA!

SHKARKO APP

E fundit!

x

Ndryshimet në Bashkinë e Tiranës/ Berisha: Ristani pranoi urdhrin antikushtetues të Ramës

21 Mars 2025, 14:45, Politikë CNA

Ndryshimet në Bashkinë e Tiranës/ Berisha: Ristani pranoi urdhrin

Kreu i Partisë Demokratike, Sali Berisha, u shpreh sot se Anuela Ristani ka pranuar urdhrin antikushtetues të kryeministrit Edi Rama, referuar ndryshimeve dhe dokumenteve më të fundit të firmosura për Bashkinë e Tiranës.

Berisha u shpreh me dyshime se pse Veliaj i ka deleguar firmën një punonjëseje besnike të bashkisë, në një kohë kur 5 ditë më parë Rama kishte besuar firmën e Veliajt tek Anuela Ristani.

Berisha tha se nuk e akuzon drejtpërdrejtë Ristanin, edhe pse ajo doli dje në media dhe deklaroi qëndrimin e saj.

Berisha theksoi se sipas tij, problemi i Ristanit është që ka pranuar urdhrin antikushtetues të Ramës.

“Ai i delegon firmën një punonjëseje besnike të bashkisë, në një kohë kur 5 ditë më parë Rama kishte besuar firmën e Veliajt tek Anuela Ristani.

Ristani doli dje në një media dhe u betua dhe stërbetua se nuk ishte në shërbim të Ramës.

Nëse nuk je njeri konfident i Ramës, si pranon ti urdhrin antikushtetues të Ramës.

Problemi i zonjës Ristani është se pranoi emërimin antikushtetues të Ramës”,-tha Berisha./CNA

 

 





Lajmet e fundit nga