web counter
LEXO PA REKLAMA!

SHKARKO APP

App Store
Google Play

E fundit!

x

Rama merr dhuratë një uniformë të Urgjencës/ “Mund ta përdor kur të shkoj të rrah ministrat”

21 Mars 2025, 15:56, Politikë CNA

Rama merr dhuratë një uniformë të Urgjencës/

Kryeministri Edi Rama ishte i pranishëm në eventin për 10-vjetorin e Qendrës Kombëtare të Urgjencës Mjekësore.

Gjatë fjalës së tij, Rama e quajti një nga krenaritë e reformave që ka bërë. Rama tha se Urgjenca Kombëtare tashmë është në nivelin e urgjencave të vendeve të tjera.

Kryeministri ka bërë dhe batuta me mjekët e Urgjencës, duke thënë se ata e kanë vendin e sigurt në parajsë.

 

“Dhe do ta mbyll me një anekdotë të jetuar të doktorit që në fillim kur Urgjenca mori uniformat që ka sot kishte probleme me qytetarët që thërrisnin urgjencën dhe kur hapni derën shihnin këta me uniformë dhe mbyllnin derën dhe thoshin nuk kemi thirrur privatin kemi thirrur shtetin se shteti duhet të paraqitej si leckaman atje, kurse kjo paraqitje nuk ishte paraqitje me të cilën ishin mësuar të shihnin shtetin. Dhe kjo i thotë besoj që të gjitha ato që kanë ndodhur me Urgjencën Kombëtare. Është realisht një nga krenaritë e reformave që ne kemi bërë!

Është krenari për mënyrën se si është transformuar në një histori suksesi, një histori turpi; është krenari për mënyrën se si është transformuar nga pikëpamja e burimeve njerëzore dhe se si është harmonizuar eksperienca e atyre që patën fatin të mos dalin në pension pa e parë një herë se si funksionon një ambulancë nga fillimi në fund dhe që të paktën kur të shkojnë, ai shoferi kishte emocione, të paktën emocionet në skenë që del një herë në jetë, po jo emocione që i fiket makina në rrugë e nuk shkon dot të shpëtojë tjetrin, siç ka pasur në të kaluarën dhe është krenari që sot ne kemi një Urgjencë Kombëtare që nuk i lë gjë mangët edhe pse ka patjetër gjëra që mund dhe do t’i bëjmë më mirë, nuk i lë gjë mangët urgjencave të vendeve të tjera.

Kështu që, me shumë respekt edhe një herë po e ndaloj fjalën aty ku e nisa dhe do dëshiroja shumë që të gjitha autoritetet në rreshtin e parë bashkë me mua, t’i kushtonim një duartrokitje të veçantë të gjithë burrave dhe grave, djemve dhe vajzave të urgjencës.

Shumë faleminderit edhe sinqerisht, shumë respekt edhe jini krenarë për atë që bëni çdo ditë dhe juve, nga të gjithë ne që jemi këtu, jeni të vetmit që e keni të sigurt që kur të shkoni të takoni Shën Pjetrin, vendin e keni në parajsë, ne të tjerët nuk jam i sigurt”, tha Rama.

 

Pasi mbaroi fjalën e tij, Rama mori nga drejtori i Urgjencës, Skënder Brataj, një jelek dhuratë, të cilin me shaka tha se do ta veshë kur të rrahë ministrat në qeveri.

 

“Nuk ju premtoj që kur ta vesh do kem ndonjë urgjencë, por do ta vesh me kënaqësi dhe besoj që ju do ma toleroni që ta vesh për qejfin e ngjyrave që ka, edhe pse ndonjëherë mund ta përdor kur të shkoj të rrah ministrat në qeveri”, u shpreh Rama./ CNA





Lajmet e fundit nga