web counter
LEXO PA REKLAMA!

SHKARKO APP

App Store
Google Play

E fundit!

x

Prezantimi i kandidatëve socialistë në Tiranë/ Rama: Kemi ndërtuar një parti të re, ama shalqi me provë

21 Mars 2025, 18:35, Politikë CNA

Prezantimi i kandidatëve socialistë në Tiranë/ Rama: Kemi

Kryeministri Edi Rama ka qenë i pranishëm në prezantimin e kandidatëve për deputetë në qarkun e Tiranës. Gjatë fjalës së mbajtur Rama tha se PS ka ndërtuar partinë më të re që ndodhet në fletën e votimit në qarkun e Tiranës. Parti e cila po ashtu ka dhe gjithë këta vite qeverisje si eksperiencë, tha Rama.

Duke iu referuar partive të tjera dhe koalicioneve që ndodhen në fletën e votimit, Rama tha se o janë të kalbur ose janë pa eksperiencë. Hedhja e votës për këdo tjetër përveç Partisë Socialiste është votë e çuar dëm, u shpreh kryeministri.

Rama tha se në vend ka ende probleme për t’u zgjidhur dhe plagë për t’u mbyllur.

“U kemi dhënë vajzave dhe grave një  buqetë ku mund të zgjedhin përfaqësuesen e tyre në Kuvend. U kemi dhënë profesionistëve mundësinë që duke votuar PS të kenë mundësi të zgjedhin dikë pa pasur asnjë dyshim se do të përfaqësohen denjësisht në Kuvend. Kemi ndërtuar partinë më të re që është në atë fletë votimi të madhe për Tiranën. Një parti të re, ama një shalqi me provë, që ka dhe gjithë eksperienvcën e këtyre viteve qeverisje.

Të gjithë të tjerët majtas e djathtas fletës së votimit, ku jo rastësisht ne jemi në mes, o janë të kalbur o pa asnjë eksperiencë. Hedhja e votës kudo tjetër përveç PS është ta çosh votën kot.

Pavarësisht se kemi bërë kaq shumë, ka ende probleme jo të vogla, ka ende plagë për të mbyllur. Në këto zgjedhje ka diçka që është përtej të gjithave këtyre. Do lodheni mbase duke më dëgjuar ta përsëris kudo dhe kurdo. Ka diçka që është përtej punëve tona të përditshme. Ka diçka që është përtej gjeneratës time. Ka diçka që lidhet drejtpërdrejt jo thjesht me partinë tonë, por lidhet me fatin europian të Shqipërisë”, tha Rama./ CNA

 





Lajmet e fundit nga