web counter
LEXO PA REKLAMA!

SHKARKO APP

App Store
Google Play

E fundit!

x

Sherri dhe tymueset në Parlament/ PS kërkon përjashtimin e 3 deputetëve të PD-së

10 Nëntor 2023, 14:14, Politikë CNA

Sherri dhe tymueset në Parlament/ PS kërkon përjashtimin e 3

Grupi parlamentar i Partisë Socialiste ka kërkuar përjashtimin e 3 deputetëve demokratë, pasi pretendon se këta të fundit janë shkaktarë për situatën e krijuar ditën e enjte në Parlament dhe mosmbarëvajtjen si duhet të seancës parlamentare.

Socialistët kërkojnë përjashtimin e deputetëve Saimir Korreshi, Elda Hoti dhe Lindita Metaliaj, pasi pretendojnë se Korreshi ka marrë nga çantat e 2 kolegeve deputete tymueset që ndezi në Kuvend.

“Situata në sallën plenare u përkeqësua akoma më shumë kur deputeti Saimir Korreshi u pa të merrte disa tymuese nga çantat e dy zonjave deputete Elda Hoti dhe Lindita Metaliaj duke i ndezur ato dhe duke e bërë të pamundur dhe të vështirë zhvillimin normal të rendit të ditës dhe diskutimet e deputetëve të regjistruar”, thuhet në kërkesën e socialistëve.

Për këtë arsye mazhoranca ka kërkuar përjashtimin e tre deputetëve.

“Situata e përsëritur në çdo fillim seance plenare nga deputetë të opozitës duke penguar zhvillimin e rregull të saj është e pa tolerueshme. Kaosi i krijuar nga deputetë të caktuar të opozitës në seancën plenare të datës 09.11.2023 duke larguar nga vendet karriget dhe duke vendosur ato si barrikadë përpara foltores dhe duke e bllokuar atë është në kundërshtim me rregulloren e Kuvendit të Shqipërisë”, thuhet në kërkesë.

Deputeti demokrat, Saimir Korreshi ndezi këtë të enjte në seancë plenare disa tymuese duke e bërë kështu të pamundur zhvillimin e seancës. Kështu seanca u mbyll në vetëm 17 minuta ku socialistët votuan rendin e ditës dhe rrëzuan të gjitha kërkesat e demokratëve./ CNA





Lajmet e fundit nga