E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Shënim/ Rënia e moralit socialist të drejtësisë

15 Nëntor 2024, 19:18, Politikë REDAKSIONALE

Shënim/ Rënia e moralit socialist të drejtësisë

Fotomontazh - Kryeministri Edi Rama, Plarent Ndreca dhe Benet Beci

Partia Socialiste dhe vetë kryeministri Edi Rama, që me ardhjen e tyre në pushtet thanë se personat që kanë probleme me drejtësinë dhe me institucionet që kanë dalë si pasojë e reformës duhet të japin dorëheqjen dhe të shkojnë të mbrohen vetë, edhe pse mund të jenë deputetë, kryebashkiakë apo zyrtarë të lartë të PS-së.

Partia Socialiste, sipas asaj që ka artikuluar shpesh Rama, nuk do të mbrojë askënd dhe nuk do të lejojë askënd që të mbrohet me emrin e saj. (Lexo këtu)

Personat që janë nën akuzë duhet të shkojnë para ligjit dhe të mbajnë përgjegjësië e tyre personale në rast se shpallen fajtorë dhe dënohen nga drejtësia. (Lexo këtu)

Selia e Partisë Socialiste

Në fakt, ky është një standard i dyfishtë i kryeministrit që vjen me deputetin Plarent Ndreca, të cilit i është komunikuar akuza dhe këtë e konfirmoi ai vetë sot.

Plarent Ndreca nuk e ka lënë mandatin e deputetit dhe vazhdon të ushtrojë detyrën e tij. Për më tepër, ai ishte një nga bashkëdrejtuesit e Komisionit Hetimor për Koncesionet në Shëndetësi. (Lexo këtu)

Deputeti i Partisë Socialiste, Plarent Ndreca

Rasti i dytë është ai i kryebashkiakut të Shkodrës, zotit Benet Beci. Edhe ky i fundit disa javë më parë u thirr në SPAK. Mediat raportuan për akuzë ndaj Becit, por edhe ai vazhdoi detyrën. (Lexo këtu)

Këta dy raste tregojnë se ato Rama ka thënë dhe ato që janë bërë i ndan në mes një det i tërë, ose një standard i dyfishtë që vjen nga pushteti, në “luftë” kundër SPAK-ut, duke treguar se do t’i mbrojë bijtë e saj deri në fund.

Jo të gjithë i ka mbrojtur në mënyrë të drejtpërdrejtë, por shpesh në mënyrë indirekte, siç ka qenë rasti i Ilir Beqajt, që edhe pse kishte ikur si deputet mori një post të rëndësishëm drejtues, apo raste të zyrtarëve të tjerë socialistë. (Lexo këtu)

Ish-ministri i Shëndetësisë, Ilir Beqaj

Sot jemi përballë faktit, Plarent Ndreca dhe Benet Beci vazhdojnë detyrën, ata mbrohen në emër të Partisë Socialiste dhe Rilindjes, bëjnë edhe aktivitet politik publik të fortë nga PS askush nuk reagon.

Nën sloganin “përgjegjësia është personale”, Plarent Ndreca qëndron ende deputet në grupin e PS-së, nuk ka asnjë vendim kundër tij, ashtu edhe Benet Beci.

Kryebashkiaku i Shkodrës, Benet Beci

Ndoshta ky ndryshim strategjie nga ana e kryeministrit Edi Rama vjen përpara zgjedhjeve, pasi do t’i duhej që t’i mbyllte shumë vrima nëse i arrestohen deputetë të tjerë, siç ndodhi me Jurgis Çyrbjan, i cili sapo iu komunikua akuza dha dorëheqjen dhe u arrestua. (Lexo këtu)

Edhe këta minimalisht duhet të jepnin dorëheqjen dhe të zëvendësoheshin, por me kryebashkiakët është edhe më e vështirë, pasi do të zhvilloheshin zgjedhjet, do kishte fushatë, mund të ketë pasoja.

Kryeministri Edi Rama

Socialistët duket se tashmë po shtrëngojnë radhët e tyre, duke rrëzuar moralin e fabulës së tyre për Reformën në Drejtësi, se ajo ishte e pavarur, se ata nuk do të mbronin askënd.

Tani jemi duke e parë me sy dhe duke e dëgjuar me veshë se si zyrtarët e PS-së nuk japin dorëheqjen, nuk largohen, por vazhdojnë të qëndrojnë në detyrë, duke bërë të kundërtën e asaj që na ka thënë kryeministri Edi Rama disa vite më parë./ CNA