web counter
LEXO PA REKLAMA!

SHKARKO APP

App Store
Google Play

PD prezanton drejtuesin politik në Kavajë/ Noka: Fisniku është ashtu siç ka emrin

15 Nëntor 2024, 18:02, Politikë CNA
PD prezanton drejtuesin politik në Kavajë/ Noka: Fisniku
Sekretari i Përgjithshëm i PD-së, Flamur Noka

Partia Demokratike prezantoi mbrëmjen e kësaj të premteje drejtuesin politik në Kavajë, Fisnik Qosja.

Gjatë prezantimit, sekretari i Përgjithshëm i PD-së, Flamur Noka, shprehu konsideratat e ish-kryeministrit Sali Berisha për Kavajën.

Gjithashtu, ai foli me superlativa për Fisnik Qosjen, teksa tha se është ashtu siç ka edhe emrin.

“Berisha më porositi t’ju përcjell konsideratën më të madhe pë ju, që nuk e ndan dot nga zemra e tij. Jeni ju që i keni dhënë besim Berishës e PD, e mirënjohja e tij është e madhe. Jemi sot në këtë aktivitet për të prezantuar drejtuesin politik të Kavajës e Rrogozhinës. Kavaja e ka përcaktuar vetë drejtuesin e saj, sepse e keni zgjedhur me votën tuaj. Berisha e PD kanë përkthyer vullnetin tuaj për ta konfirmuar si drejtues politik, djalin tuaj, Fisnikun që edhe emrin e ka ashtu siç është vetë.

Jemi në moment kur situata është bërë e vështirë, si në aspektin ekonomik edhe politik. Kemi një regjim që për asnjë moment s’mendon për qytetarët, që s’ka qeverisur asnjë moment shqiptarët. Por kemi një regjim që e ka shpopullur këtë vend, që propjekton pushtet përmes dhunës, vjedhjes e blerjes. Situata është e rëndë, sot vendi po zien, Qytetarët po zgjohen dhe është detyra jonë të ecim e t’i prijmë këtij zgjimi qytetar e të kobntribuojmë për të”, theksoi Noka./ CNA





Lajmet e fundit nga