web counter
LEXO PA REKLAMA!

SHKARKO APP

App Store
Google Play

Muçollari: S’ka Ramë, Aleks, a pastor që e shpëton Veliajn nga drejtësia!

15 Nëntor 2024, 12:08, Politikë CNA

Muçollari: S’ka Ramë, Aleks, a pastor që e shpëton

Në protestën e mbajtur sot para Bashkisë së Tiranës, ku kërkohet drejtësi pas zbulimit të aferave të rënda korruptive, anëtari i kryesisë së PD, Grigels Muçollari, u shpreh se Erion Veliaj mund të fitojë kohë, po nuk do të shmangë dot destinin që ai vetë ka shkruar me aktet dhe vendimet që ka firmosur.

“Shumë rrallë ka ndodhur që të kemi një politikan, një pushtetar, një kryetar bashkie, kaq të rënë, kaq të rrëzuar prej aferave dhe korrupsionit, por që vijon me sforcim, me anormalitet, jashtë çdo lloj logjike të mbajë zyrën, të mbajë karrigen, të firmosë akoma, të kryejë sërish dëme.

Kjo po ndodh me Erjon Veliajn.

Kurrë nuk ka ndodhur të ketë një kryetar bashkie me kaq shume bashkëpunëtorë e vartës të arrestuar e nën hetim për korrupsion, për raste ku ai vetë është përgjegjës direkt, e prapë të vazhdojë të dalë në zyrë.

Asnjëherë nuk kemi pasur një politikan të rrënuar moralisht e në sytë e njerëzve, prej aferave korruptive, që të ketë lirinë të vijojë ushtrimin e detyrës.

Nuk ka gjë më evidente sot, e di i madh e i vogël se Erjon Veliaj po mbahet me hatër, se ai është i përkëdheluri i drejtësisë, i SPAK-ut.

Po sa mund qëndrojë dikush në këto kushte? Miliona euro dëme, miliona euro që u janë marrë nga xhepi qytetarëve të Tiranës që janë përvetësuar, me 5D e me inceneratorin e Tiranës, është një krim i rëndë, i paamnistuesëm.

Mund të fitosh një ditë, një muaj, po nuk e ndryshon dot destinin për të cilin vetë je përgjegjës.

Jam i bindur që s'ka Ramë, s'ka Aleks, s'ka pastor, s'ka zot që e shpëton Veliajn nga drejtësia, sado kohë, sado hetues, sado prokurorë të blejë.

Sepse krimi është aq i shëmtuar, aq hapur në sytë e qytetarëve, sa nuk do të mund të mbulohet kurrë.

Dhe për këtë, merita e jashtëzakonshme u shkon ju qëndrestarë, luftëtarë që nuk e keni lejuar skenarin e mbulimit të këtij korrupsioni, me zërin tuaj, me protestën tuaj prej kaq javësh, duke i lënë një trashëgimi kaq të vyer qytetit”, u shpreh Muçollari./ CNA





Lajmet e fundit nga