web counter
LEXO PA REKLAMA!

SHKARKO APP

App Store
Google Play

Këlliçi plas “bombën”: Drejtorët në burg po firmosin për vjedhjet në të kaluarën

15 Nëntor 2024, 12:03, Politikë CNA

Këlliçi plas “bombën”: Drejtorët në burg

Drejtuesi politik i PD-së për Tiranën, Belind Këlliçi, ka bërë deklaratën e fortë nga protesta para Bashkisë së Tiranës.

Këlliçi denoncoi se nga Bashkia e Tiranës po hiqen dokumente që kanë të bëjnë me vjedhjet që janë kryer më herët nga drejtorët.

Këlliçi i bëri thirrje SPAK-ut të hetojë punonjësit dhe ish-punonjësit që kanë kryer këto ditë heqjen e dokumenteve nga Bashkia e Tiranës.

Po ashtu i bëri thirrje kreut të SPAK-ut Altin Dumanit të hetojë vizitat në burg te drejtorët e Veliajt pasi ata po firmosin dokumente në lidhje me vjedhjet në të shkuarën.

“Kam një thirrje të drejtpërdrejtë për SPAK-un. Hetoni punonjësit apo ish-punonjësit e Bashkisë së Tiranës që janë thirrur për të grisur dokumente, për të hequr dokumente, për të firmosur dokumente në protokoll. I bëj thirrje Altin Dumanit, trego që nuk je koleg i Veliajt, trego që nuk ke agjendë politike, por je aty për të zbatuar ligjin dhe për të çuar para drejtësisë ata që vjedhin qytetarët dhe mos luftoni me opozitën.

Hetoni vizitat në burg të drejtorëve të arrestuar shihni a kanë shkuar aty dokumentet për t'u firmosur sot nga vjedhjet e kaluara”, tha Këlliçi./ CNA





Lajmet e fundit nga