web counter
LEXO PA REKLAMA!

SHKARKO APP

App Store
Google Play

Çfarë i hëngrën Veliajt, kumbulla apo dardha prapa shpine?!

28 Mars 2024, 17:59, Politikë CNA
Çfarë i hëngrën Veliajt, kumbulla apo dardha prapa
Kryebashkiaku i Tiranës, Erion Veliaj

Ministra, ish-ministra, kryebashkiakë, drejtorë e zyrtarë të Partisë Socialiste janë vënë në pranga nga SPAK-u për afera dhe korrupsione të ndryshme.

Kryeministri Edi Rama u justifikua për arrestimet duke thënë se se i hëngrën kumbulla prapa shpine.

Sot u vunë në pranga 2 drejtorë të Bashkisë së Tiranës, Mariglen Qato dhe Redjan MolLa, ndërsa Taulant Tusha u arrestua në dhjetor të 2023-shit.

Pra, 3 nga njerëzit më besnikë të Erion Veliajt, ushtarët kryesore elektoralë, njerëzit që bënin fushatën ndodhen në pranga.

Pyetja që lind pas arrestimeve të fundit është se edhe Veliajt, kumbullat prapa shpine, prapa krahëve ia kanë ngrënë?

Deri tani, kemi 3 drejtorë të rëndësishëm të vënë në pranga dhe disa zyrtarë të tjerë nën hetim, ndërsa priten edhe arrestime të tjera.

SPAK po heton firmën 5 D – 5 Drejtorët, inceneratorët e kështu me radhë, afera që po rrëzojnë drejtorët e zyrtarët e bashkisë së Tiranës.

Po Erion Veliaj nuk i dinte inceneratorët? Nuk i dinte drejtorët hajdutë, tenderat dhe korrupsionin?

Erion Veliajt, prapa krahëve ia hanë dardhat dhe mollët? Të gjithë 99-çave, prapa krahëve ia hanë dardhat dhe mollët apo i kanë ushtarët hajdutë thjesht dhe vetëm për t’u shërbyer bosave të tyre në pushtet.

Një gjë është e sigurt Lali Erit i kanë ngrënë fiq, por në tavolinë dhe bashkë me të, jo pas shpine./ CNA





Lajmet e fundit nga