web counter
LEXO PA REKLAMA!

SHKARKO APP

App Store
Google Play

E fundit!

x

Berisha: Xhaçka, hajdutja e paskrupullt që bëri burrin investitor strategjik

26 Mars 2024, 19:57, Politikë CNA
Berisha: Xhaçka, hajdutja e paskrupullt që bëri burrin
Kryetari i Partisë Demokratike, Sali Berisha

Kryetari i Partisë Demokratike, Sali Berisha ka hedhur akuza të forta ndaj ish-ministres Olta Xhaçka, pas arrestimit të kryebashkiakut Jorgo Goro për tjetërsimin e pronës në Dhërmi.

Berisha e cilësoi Xhaçkën si hajdute të paskrupullt që ka vjedhur pronat e qytetarëve dhe ia ka dhënë bashkëshortit të saj, Artan Gaçi, i cili mban statusin e investitorit strategjik.

Ai nuk kurseu as kryeministrin Edi Rama gjatë fjalimit të tij të përnatshëm për protestuesit në rrugën “Mustafa Matohiti”.

“Çdo shqiptar për interesin e tij më të mirë, për dinjitetin e tij, të shtrojë pyetjen për zhvillimet e fundit. Si ka mundësi që ish-kryetari i bashkisë Goro burgoset për hotelin e Olta Xhaçkës? Artan Gaçi Menaxhment Hotel vazhdon funksionon sikur të ishte me kredencialet më të larta. Ndërsa Goro ndodhet në qeli pse firmosi falsifikimet e burrit strategjik të Olta Xhaçkës.

Olta, prej 10 muajsh, Edi Rama me Lindën e tij në parlament, bllokon heqjen e mandatit të kësaj hajduteje të paskrupullt, që e bëri burrin strategjik duke vjedhur pronat e qytetarëve të Himarës.

Por më falni, pse ndodh kjo?

Kjo ndodh sepse Edi Rama, kujtoni pak, kur njëlloj siç mbronte Beqën me gërshërët e thyera dhe pincat e thyera, mbronte vjedhjen e Oltës dhe të shoqit, duke u thënë gazetarëve se nuk ka asnjë ankesë për pronat aty, se gjithçka është në përputhje me ligjin. Kjo se Edi Rama ishte aksioner i Oltës, i Artanit dhe i të gjithë hajdutëve të bregut.

A do pranojmë ne mashtrime të tilla?

A do pranojmë ne mbrojtjen që i bën Altin Dumani, ky faqezi që nuk ka nder as moral dhe as ligj, që arreston me urdhër dhe është bërë parzmore me grupin e tij kriminal, i krimeve monstruoze të qeverisë?”, theksoi Berisha.





Lajmet e fundit nga