web counter
LEXO PA REKLAMA!

SHKARKO APP

App Store
Google Play

E fundit!

x

Gjata: Arrestimi i Goros, për të mbuluar Ramën, Xhaçkën dhe Gaçin

25 Mars 2024, 21:56, Politikë CNA
Gjata: Arrestimi i Goros, për të mbuluar Ramën,
Sekretari i departamentit juridik në PD, Çlirim Gjata

Sekretari i departamentit juridik në PD, Çlirim Gjata, e ka cilësuar si politik dhe hipokrit arrestimin e kryebashkiakut në detyrë të Himarës, Jorgo Goro.

Gjata tha se arrestimi u krye për të mbuluar kryeministrin Edi Rama, ish-ministren Olta Xhaçka dhe bashkëshortin e kësaj të fundit, Artan Gaçi.

Ai ngriti pretendimet në një emision televiziv se tjetërsimi i pronës është me urdhër politik dhe vënia në pranga e Goros është e njejtë me pushkatimet e shokëve të Enver Hoxhës.

“Arrestimi i tij ishte politik dhe hipokrit për të mbuluar Ramën dhe deputeten Xhaçka e bashkëshortin e saj investitor strategjik. Kjo është tipike siç vepronte Enver Hoxha, i cili pushkatonte shokët e vetë kur ndodhnin gjëra që nuk i përballonte dot, këtë po bën Edi Rama meqenëse korrupsioni e pabarazia po shkojnë keq e më keq në këtë vend, aq sa kemi dhe një shpullë surratit për kryeministrin kur BE çeli negociatat me Bosnjën, ndërsa Shqipërinë as që e përmendi.

Arrestimi është tipik si me Arben Ahmetajn apo të tjerë që janë hequr nga qeverisja nga Rama. Ai ka kapërcyer procedurat, ta bësh këtë me dijeni nuk është thjesht shpërdorim detyre. Është si një falsifikim, që nuk bëhet pa arsye. Aty ka korrupsion dhe urdhër politik. Nuk bëhet dot pa urdhër politik, s’ka kryeplak që zbaton urdhrin politik pa marrë paratë. Kjo është hipokrizia e SPAK këtu, që të gjithë i çon për shpërdorim detyre sa për të larë gojën”, theksoi Gjata./ CNA





Lajmet e fundit nga