web counter
LEXO PA REKLAMA!

SHKARKO APP

App Store
Google Play

Tjetërsimi i pronës për Artan Gaçin/ Berisha: Xhaçka, monument korrupsioni në Parlament

25 Mars 2024, 21:11, Politikë CNA
Tjetërsimi i pronës për Artan Gaçin/ Berisha:
Kryetari i Partisë Demokratike, Sali Berisha

Kryetari i Partisë Demokratike, Sali Berisha, në tubimin e përnatshëm në mbështetje të tij, foli për arrestimin e kryebashkiakut në detyrë të Himarës, Jorgo Goro.

Berisha ngriti pretendimet se Goro ndodhet në burg sepse nuk mundi dot kandidatin e opozitës, Fredi Beleri në zgjedhjet e 14 majit.

Ai deklaroi se kryebashkiaku socialist pranoi të firmosë dokumentet e falsifikuara të ish-ministres Olta Xhaçka për të favorizuar bashkëshortin e saj Artan Gaçi, që të shpallej investitor strategjik në zonën e Himarës.

Ish-kryeministri theksoi se sot Goro ndodhet në qeli, ndërsa Xhaçka qëndron monument korrupsioni në Parlament.

“Të dashur miq, ish-kryetari i Bashkisë së Himarës, një hajdut i padiskutueshëm, por është në burg se nuk e mundi dot Fredi Belerin. Por është në burg sepse firmosi dokumentet e falsifikuara të Olta Xhaçkës dhe burrit të saj strategjik.

Kur unë ia ngrita në parlament Olta Xhaçkës, u ngrit me një gjuhë të saj, duke turfulluar se po akuzoja një njeri që kishte marrë pronën e familjes së tij.

Po ja që del që ka falsifikuar dhe ka grabitur pronën e qytetarëve të tjerë.

Dhe kryetari i bashkisë që firmosi mbi dokumentet e falsifikuara të sjella nga Xhaçka, burgoset, kurse Xhaçka qëndron monument korrupsioni në parlament vetëm e vetëm se drejtësia përbëhet nga laro, nga njerëz nga moral dhe pa ligj, të cilët zbatojnë vetëm urdhra partie dhe mashtrojnë shqiptarët”, theksoi Berisha./ CNA





Lajmet e fundit nga