web counter
LEXO PA REKLAMA!

SHKARKO APP

10 milionë lekë për aktet e dosjes/ Beqaj: Do m’i paguajë studioja ligjore

28 Mars 2024, 16:27, Politikë CNA
10 milionë lekë për aktet e dosjes/ Beqaj: Do m’i
Ish-ministri i Shëndetësisë, Ilir Beqaj

Ish-ministri i Shëndetësisë, Ilir Beqaj, pas 7 orësh është larguar nga ambientet e SPAK-ut.

Ai u pyet nga gazetarët në lidhje me shumën 10 milionë lekë që i duhet të paguajë për t’u njohur me aktet e dosjes së Sterilizimit.

Beqaj deklaroi se këtë pagesë do ta bëjë studioja e avokatisë.

“Kemi bërë njohjen me dosjen, ju e dini që është 700 fashikujt, sot arritëm të shohim 15 fashikuj. Ligji lejon vetëm 10 ditë për këtë proces. Kemi bërë kërkesa për veprime shtesë hetimore dhe që unë të jap deklarimet e mia dhe të pyetem sërish për atë dosje.

Në këtë fazë kam pajtuar një avokat dhe deri në fund të gjyqit i përballon zyra e avokatisë dhe në fund bën faturat për mua. Tarifat janë publike, në këtë rast janë jo të vogla, secili prej nesh se jemi 9 veta në proces, për të marrë një USB, secili prej nesh duhet të paguajë 10 milionë lekë”, theksoi ish-ministri./ CNA





Lajmet e fundit nga