web counter
LEXO PA REKLAMA!

SHKARKO APP

App Store
Google Play

E fundit!

x

Agron Duka: Nuk bëj aleancë me Bashën, në zgjedhje do shkoj vetëm

27 Mars 2024, 21:45, Politikë CNA
Agron Duka: Nuk bëj aleancë me Bashën, në zgjedhje do shkoj
Kryetari i Partisë Agrare Ambientaliste, Agron Duka

Kryetari i Partisë Agrare Ambientaliste, Agron Duka, ka zbuluar telefonatën që ka zhvilluar me Lulzim Bashën disa ditë më parë.

Ai tregoi se Basha e ftoi në tryezën e mbajtur disa ditë më parë, ku kishte dërguar nënkryetarin e partisë.

Duka tha se pavarësisht se nënkryetari i tij mori pjesë në tryezë, PAA nuk do të bëjë aleancë me Bashën.

“Si PAA dhe partitë e tjera të vogla nuk është se po bëjnë koalicione parazgjedhore. Zoti Basha para 4 -5 ditësh bëri një tryezë për reformën zgjedhore. Më mori në telefon dhe më ftoi. Më tha a jeni dakord me këtë që kemi thënë ne. Se ju vetë keni ardhur e kërkoni firmat për të njëjtat teza. Pra që të votojnë emigrantët, listat e hapura, që Shqipëria të bëhet me 3- 4 zona zgjedhore, votimi e numërimi elektronik. Duke qenë kështu mund të vini në tryezën që iniciatorë ishin ata (Shenim PD). Unë vetë nuk kisha mundësi të shkoja se isha jashtë, por shkoi nënkryetari. Por kjo u shit si aleancë. Ne nuk kemi bërë aleancë as me të as me Berishën, e me askënd. Se jemi në kushtet si do të hyjmë në fushë të lojës. Nuk dimë si do të jetë gjyqtari e si do të gjykojë”, u shpreh ai.

Në një intervistë televizive, Duka theksoi se në zgjedhje do të hyjë I vetëm dhe nuk do të bëjë aleancë me asnjë parti.

“Nuk po projektojmë një aleancë të ardhshme zgjedhore kur nuk dimë kushtet e lojës. Nëse do të shkohet me këtë Kod Zgjedhor dhe shartohet në mënyrë të shëmtuar. Pra ky që është po me lista të hapura atëherë çfarë kuptimi ka?! Ku qëndrojnë koalicionet nëse bëhet me lista të hapura e ndarë me 12 qarqe. Po u bë me lista të hapura do të futesh në një sigël e do të vijojë e njëjta histori. Ndërkohë partitë e vogla penalizojnë veten e tyre.

Ta zëmë PD e rithemelimi e partitë e vogla do të futen në të njëjtën sigël do i japin PAA-së një kandidat. Kush është leverdia këtu? Së pari do konkurosh në një habitat jo natyral tëndin se je tek listat e PD-së. Është ngjyra e tyre që mbizotëron. Të gjithë votat që ti merr shkojnë në favor të PD-së e gjithë puna shkon dëm. Nëse do të jetë kështu Partitë e vogla duhet të bashkohen që të kenë sa më shumë kandidatë e të kenë formë mbijetese”, nënvizoi kreu i PAA-së./ CNA





Lajmet e fundit nga