web counter
LEXO PA REKLAMA!

SHKARKO APP

App Store
Google Play

Bardhi, takim “kokë më kokë” me reporteren për PE-në/ “PS të heqë dorë nga kontrolli i drejtësisë“

27 Mars 2024, 11:39, Politikë CNA

Bardhi, takim “kokë më kokë” me reporteren për

Kreu i grupit parlamentar të PD-së, Gazment Bardhi, ka zhvilluar një takim me reporteren për Shqipërinë në Parlamentin Evropian, Isabel Santos.

Gjatë takimit, Bardhi i ka folur për përpjekjet e opozitës për të kthyer parlamentin funksional dhe në normalitet.

Ai ka theksuar se mazhoranca duhet të heqë dorë nga tentativa për të kontrolluar politikisht institucionet e drejtësisë dhe nga çdo përpjekje për të ndërhyrë në punët e organeve të drejtësisë.

“Znj. Isabel Santos, reportere për Shqipërinë në Parlamentin Evropian, e informova për përpjekjet e opozitës që Shqipëria të ketë një Parlament funksional, që respekton të drejtat kushtetuese të opozitës, lejon kontrollin efektiv ndaj Qeverisë, dhe që punon në interes të qytetarëve.

Moszbatimi nga Kuvendi i vendimeve të Gjykatës Kushtetuese është minim i parimeve të shtetit ligjor dhe akti më brutal antikushtetues i ndodhur në 33 vite. Mazhoranca duhet të heqë dorë nga tentativa për të kontrolluar politikisht institucionet e drejtësisë dhe nga çdo përpjekje për të ndërhyrë në punët e organeve të drejtësisë.

Gjithashtu, e informova për bllokimin 2-vjeçar të Reformës Zgjedhore nga mazhoranca dhe nevojën që ka Shqipëria, si vend kandidat për anëtar të BE-së, që të realizojë zgjedhje të lira dhe të ndershme vitin e ardhshëm.

E sigurova se për opozitën përmbushja e rekomandimeve të OSBE/ODIHR, garancitë për barazi të palëve në zgjedhje, dhe zbatimi i vendimeve të Gjykatës Kushtetuese, janë një prioritet jo vetëm i shpallur, por pikënisja e një reforme kuptimplotë zgjedhore, që duhet përmbyllur sa më parë në kohë”, shkruan Bardhi./ CNA





Lajmet e fundit nga