web counter
LEXO PA REKLAMA!

SHKARKO APP

App Store
Google Play

E fundit!

x

Balluku jep lajmin: Do të ndërtojmë akademi profesionale të aviacionit

27 Mars 2024, 14:43, Politikë CNA
Balluku jep lajmin: Do të ndërtojmë akademi profesionale të
Belinda Balluku

Ministrja e Infrastrukturës dhe Energjisë, Belinda Balluku, në Konferencën Kombëtare për Arsimin dhe Formimin Profesional deklaroi se Organizata Ndërkombëtare e Aviacionit Civil, ICAO, ka zgjedhur që në Shqipëri, bashkë me Autoritetin e Aviacionit Civil Shqiptar, të ngrenë një nga akademitë më të rëndësishme evropiane. 

Balluku theksoi se është zgjedhur Vlora me parashikimin për të pasur një shkollë profesionale, një akademi profesionale të aviacionit. 

"Vetëm para pak javësh kam takuar një nga akademitë më prestigjioze të Anglisë për sa i përket aviacionit, përgatitjes së trupës, e cila shërben në aviacion duke nisur nga shërbimet e ground-it, që quajmë ne edhe deri te stjuardët dhe stjuardesat. Ka zgjedhur Shqipërinë, në një bashkëpunim me ICAO, Organizatën Ndërkombëtare të Aviacionit Civil, pasi e shikojnë si një treg të konsoliduar në rritje. Kanë zgjedhur që në Shqipëri, bashkë me Autoritetin e Aviacionit Civil Shqiptar dhe Ministrinë e Infrastrukturës dhe të Energjisë, të ngrenë një nga akademitë më të rëndësishme evropiane, e cila do të financohet nga ICAO me 1 euro për pasagjer. Një euro për pasagjer, gjatë vitit ju e kuptoni që vetëm me vizitorët e turizmit flitet për mbi 14 milionë euro, të cilat do të jenë në dispozicion të kësaj akademie që do të vendoset në Vlorë. Kemi zgjedhur Vlorën pasi aty do të zhvillohet poli më i ri i aviacionit. Kemi zgjedhur Vlorën edhe me parashikimin për të pasur një shkollë profesionale, një akademi profesionale të aviacionit, ku do të akomodohen dhe të gjithë simulatorët, pasi ashtu punohet derisa të arrijmë që të depërtojmë brenda në një aeroport, për shkak të kushteve të sigurisë, dhe te konvikti që duhet të jetë i kostumizuar për këta nxënës dhe studentë. Kështu mund t'u referohemi shumë praktikave të reja dhe të mira, të cilat ne po ngremë të gjithë së bashku me një vëmendje të përqendruar pikërisht në këtë fushë kaq të rëndësishme të arsimit profesional", u shpreh Balluku./CNA 





Lajmet e fundit nga