web counter
LEXO PA REKLAMA!

SHKARKO APP

App Store
Google Play

E fundit!

x

Rama ‘kyç gojën’ për aferën/ Mburr sërish inceneratorët: Kush këput dardha pas shpine ka punë me drejtësinë

13 Dhjetor 2022, 18:37, Aktualitet CNA
Rama ‘kyç gojën’ për aferën/ Mburr sërish
Kryeministri Edi Rama

Kryeministri Edi Rama ka refuzuar të flasë për aferën e inceneratorëve, teksa është pyetur nga gazetarët pas mbledhjes me drejtuesit e qarqeve.

Kreu i qeverisë sulmoi mediat në lidhje me raportimet për inceneratorët dhe për ish-ministrin Arben Ahmetaj, ndërsa deklaroi se do të flasë për këta çështje vetëm gjykata të japë një vendim.

Rama mburri sërish inceneratorët, teksa theksoi se edhe po të kthehej mbrapsht, sërish do t’i ishte pro tyre.   

“E para njëherë në media dalin shumë gjëra, respektimi im për media është i mirënjohur. Është i dyndur për njerëz që janë gati për gjithçka. Në rastin konkret bëhet fjalë për diçka që lidhet me një proces.

Ne as për njerëz që janë në PS që janë kundër, nuk e kemi zakon të prononcohemi. Unë të gjitha çfarë thuhen i marr me shumë rezervë. Procesi ka punën e vet dhe të vërtetat individuale të gjithësecilit, janë të vërteta individuale.

E përsëris dhe njëherë, janë tre vepra në Fier, Elbasan dhe Tiranë për të cilat 100 herë do thoashë se duhen bërë. Janë në shërbim të komuniteteve. Janë pronë. Ajo e Fierit është e destinuar që të jenë pronë e komunitetit. Nëse ne nisemi për një betejë dhe kemi qëllim të caktuar dhe rrugës dikush ose disa këpusin dhe dardha e mollë për t'i futur në shportë pas shpinës time, punën nuk e kanë me mua, por me drejtësinë. 

Për rastin konkret nuk kam asnjë koment për të bërë se nuk mund të ngrihen akuza dhe të bëhen spekulime mbi copa të dhënash që janë për tu hetuar, për tu gjykuar. Nëse do ketë një vendim mbi to, atëherë do flas siç kam folur gjithmonë”, u shpreh Rama./ B.A. – CNA.al





Lajmet e fundit nga