web counter
LEXO PA REKLAMA!

SHKARKO APP

App Store
Google Play

Serbia kërkesë për të futur forca sigurie në Kosovë/ Escobar: SHBA e kundërshtojnë këtë katergorikisht

13 Dhjetor 2022, 18:09, Aktualitet CNA
Serbia kërkesë për të futur forca sigurie në
Zëvendës Ndihmës Sekretari i Shtetit dhe i Dërguari i Posaçëm për Ballkanin Perëndimor Gabriel Escobar

Zëvendës Ndihmës Sekretari i Shtetit dhe i Dërguari i Posaçëm për Ballkanin Perëndimor Gabriel Escobar ka komentuar situatën në veri të Kosovës.

Në një intervistë për REL, Escobar është shprehur se barrikadat e vendosura , duhet të largohen nga njerëzit që i kanë vënë.

Ndër të tjera thekson se, do të përpiqen që të dyja vendet të fokusohen tek dialogu.

“Ne presim që njerëzit që i kanë ngritur ato, t’i largojnë. Por, ne gjithashtu presim që atyre t’u ofrohet një rrugë përpara, për t’i adresuar disa çështje. Tani, ka aq shumë çështje, për të cilat duhet të jemi të vendosur. Disa çështje që lidhen me sundimin e ligjit, me urdhërarreste legjitime... ato duhet të gjykohen në gjykata dhe jo në rrugë. Megjithatë, në çështjet që kanë të bëjnë me procedura administrative, si targat e makinave, zëri i tyre komunitetit serb duhet të dëgjohet. Ne e kemi inkurajuar Qeverinë që të dëgjojë zërin e tyre në këtë çështje. Ne do të vazhdojmë të përpiqemi t’i afrojmë të dyja palët dhe ta përqendrojmë vëmendjen e tyre në dialogun e lehtësuar nga BE-ja”, është shprehur Escobar.

Gjithashtu i pyetur për kërkesën e Serbisë, që me 15 Dhjetor do të kërkojë nga KFOR rikthimin e forcave të sigurisë në Kosovës, Escobar ka thënë se SHBA e kundërshton në mënyrë kategorike këtë gjë.

“Ne e kundërshtojmë këtë në mënyrë kategorike. Ne e refuzojmë këtë në mënyrë kategorike. Nuk e mbështesim fare. Dhe, po ashtu, dua të them se Kosova ka garanci shumë të forta të sigurisë nga Shtetet e Bashkuara”, ka deklaruar Escobar./ CNA.al





Lajmet e fundit nga