web counter
LEXO PA REKLAMA!

SHKARKO APP

App Store
Google Play

E fundit!

x

Foto- Nga Olsian Çela, te Naureda Llagami e Sokol Sadushi/ Lumturia e njerëzve të drejtësisë dhe serioziteti i Yuri Kim

13 Dhjetor 2022, 11:46, Aktualitet CNA

Foto- Nga Olsian Çela, te Naureda Llagami e Sokol Sadushi/ Lumturia e

“Konsolidimi i KLGJ dhe të Gjykatës së Lartë”, ishte aktiviteti i organizuar sot, ku mori pjesë edhe ambasadorja amerikane, Yuri Kim.

Kjo e fundit dha mesazhe të forta në fjalën e saj, para drejtuesve të institucioneve të drejtësisë.

E veshur në të zeza, thyer me një xhaketë kafe, ajo është shfaqur me një pamje serioze në fytyrë mes njerëzve të lumtur të drejtësisë.

Në fotot e shkrepura nga LSA, drejtuesit e institucioneve të drejtësisë duken të qeshur e të lumtur në këtë fundvit, dhe të pandikuar nga messazhet e forta të ambasadores amerikane.

Shqipëria ka një Prokuror të Përgjithshëm të lumtur, një kryetare të Këshillit Gjyqësor të qeshur, për të vijuar më tej me kryetarin e Gjykatës së Lartë, Sokol Sadushi, që pas fjalimit delirues, të tipit “Doni më për Belulin”, rrezatonte lumturi.

Krerët e drejtësisë i kemi të lumtur, se paguhen aq sa nuk e meritojnë me taksat tona dhe përfitojnë shërbime të tëra luksi nga taksat tona, por institucionet e drejtësisë, ende nuk kanë dalë nga errësira./CNA.al





Lajmet e fundit nga