web counter
LEXO PA REKLAMA!

SHKARKO APP

App Store
Google Play

E fundit!

x

Vokshi dhe Manastirliu ‘përplasen’ në Kuvend/ Ministrja: Nuk zgjidhim halle personale

12 Dhjetor 2022, 20:24, Aktualitet CNA
Vokshi dhe Manastirliu ‘përplasen’ në Kuvend/ Ministrja:
Albana Vokshi dhe Ogerta Manastirliu

Deputetja e Partisë Demokratike, Albana Vokshi është përplasur me ministren e Shëndetësisë, Ogerta Manastirliu në Kuvend.

Vokshi e cilësoi Manastirliun si ministren më të paaftë, ndërsa kërkoi të dërgohet para drejtësisë. Një përgjigje ka marrë nga ministrja, e cila tha se Vokshi është simboli i kontrabandës së naftës.

Pjesë nga debati:

Albana Vokshi: Ministrja më e paaftë ndonjëherë e Shqipërisë. Nuk duhet të ishte këtu, por para drejtësisë, dua t’i kujtojë ministres, që s’duhet të flisnim as për skedulim vaksinash, sepse ka premtuar në komisionin e shëndetësisë se në mars do kishte përfunduar procesi i vaksinimit, këto propagandën që sapo bëri na e kurse.

Ogerta Manastirliu: Simboli i kontrabandës së naftës dhe që është kthyer në mbajtëse të palltos së një tjetër simboli të korrupsionit, nuk më bëjnë përshtypje. Hallet personale nuk ua zgjidhim dot, prandaj çirresh se vetëm ajo të ka mbetur, janë shenja tipike të atyre personazheve që iu ka humbur shpresa që ne që jemi relativisht të rinj në politik, e dimë që koha u ka ikur dhe nuk kthehet më.

Albana Vokshi: Ndërhyni kur përdoret ai fjalor. As nuk u çorra dhe nuk përdora gjuhë të fortëshi, merrni masa, unë s’kam pasur kurrë pushtës, ju jeni abuzues të parave të shqiptarëve, për vjedhjen në i keni bërë parave të shëndetit të qytetarëve, duhet të ishit pas hekurave, simbol i korrupsionit në qeverinë Rama është simboli i një gruaje./ B.A. - CNA.al





Lajmet e fundit nga