web counter
LEXO PA REKLAMA!

SHKARKO APP

App Store
Google Play

E fundit!

x

“Përplasje mes shqiptarëve dhe serbëve”/ Rrëfehet banori i Mitrovicës së Veriut

13 Dhjetor 2022, 08:48, Aktualitet CNA
“Përplasje mes shqiptarëve dhe serbëve”/
Foto ilustruese

Prej disa ditësh situata në Veriun e Kosovës ka qenë e tensionuar dhe kjo është pasqyruar edhe në të gjitha mediat.

Edhe pse janë bërë thirrje për të ndalur një konflikt të mundshëm, përsëri ka pasur situata të vështira; është bllokuar lëvizja, ka pasur të shtëna armësh dhe kjo ka krijuar shqetësim sidomos për qytetarët që jetojnë në atë zonë.

Naim Fejza, banor i Mitrovicës së Veriut tregoi në emisionin "Good Morning Albanians" në "Euronews Albania" se situata paraqitet shumë e tensionuar, çka ua ka vështirësuar mundësinë për të shkuar në punë apo për të çuar fëmijët në shkollë.

Ai u shpreh se ka pasur incidente të vazhdueshme mes banorëve shqiptarë dhe atyre serbë që pas luftës dhe për këtë sipas tij është përgjegjëse klasa politike në Kosovë që ka nënshkruar marrëveshje të paanalizuara mirë me Serbinë.

“Prej luftës e këtej, herë të organizuara në grupe të mëdha, e herë në grupe të vogla, nuk janë kursyer as mediat, është vështirësuar çështja e furnizimit të asaj pjese ku banojnë shqiptarë dhe janë të rrethuar  nga popullata serbe, pasi të gjithë ata që janë të punësuar, janë të punësuar në pjesën jugore. Ka pasur përplasje edhe mes banorëve shqiptarë edhe serbë, shqiptarët kanë qenë të sulmuar nga grupe të organizuara shoviniste serbe. Lidershipi i Kosovës pas luftës ka bërë marrëveshje të cilat nuk i ka analizuar mjaftueshëm dhe tani këto po i paguajnë shqiptarët”, u shpreh banori i Mitrovicës së Veriut.





Lajmet e fundit nga