web counter
LEXO PA REKLAMA!

SHKARKO APP

App Store
Google Play

E fundit!

x

Rama i "tregon rrugën" Yuri Kim/ “Ka nisur procesi për zëvendësimin e saj”

13 Dhjetor 2022, 18:27, Aktualitet CNA
Rama i "tregon rrugën" Yuri Kim/ “Ka nisur procesi për
Kryeministri Edi Rama dhe ambasadorja Yuri Kim

Kryeministri Edi Rama ka konfirmuar deklaratën e Ministrisë së Jashtme, për nisjen e procesit për zëvendësimin e ambasadores së SHBA në Tiranë, Yuri Kim.

Kjo deklaratë e Ramës vjen pas përfundimit të mbledhjes me drejtuesit e qarqeve në seli.

“Procesi për zëvendësimin e ambasadores ka nisur siç është thënë dhe nga Ministria, e ka vendosur departamenti i shtetit si për të gjithë të tjerët”, ka thënë Rama.

I pyetur nga gazetarët nëse mes tyre ka një krisje, Rama është shprehur se nuk ka asnjë problem mes tyre. 

“Ngjitjet mes meje dhe ambasadores janë më të forta se kurrë. Kemi patur një takim të gjatë konstruktiv të gjatë, nuk ka asnjë problem”, ka vijuar më tej Rama.

Ndërkohë nga ana tjetër Kim gjatë ditës së sotme është shprehur se do të vijojë të qëndrojë më gjatë këtu.

“Kam 3 vite në Shqipëri do jem këtu edhe për ca më gjatë. Ka një sfidë të madhe këtu! Ka histori këtu dhe duhet të ndiejmë empati dhe respekt për historinë që ka kaluar ky vend. Ky është një vend i vogël të gjithë njohin gjithë të tjerët. Vendime për atë se kush do jetë në atë pozicion të caktuar, kreu i një institucioni apo një tjetri.Vendimet për drejtësinë na ndikojnë në mënyrë që ndoshta nuk do të donim t'i pranonim. Ka ardhur koha që të themi që Shqipëria është gati për fazën tjetër."’- tha Yuri Kim./ CNA.al





Lajmet e fundit nga