web counter
LEXO PA REKLAMA!

SHKARKO APP

App Store
Google Play

E fundit!

x

Plarent Ndreca mashtroi publikisht shqiptarët

25 Tetor 2024, 17:22, Politikë CNA
Plarent Ndreca mashtroi publikisht shqiptarët
Plarent Ndreca

SPAK ka marrë zyrtarisht të pandehur deputetin e Partisë Socialiste, Plarent Ndreca, nën akuzën e shkeljes së barazisë në tendera. 

Ndreca akuzohet për abuzim me një tender për rikonstruksionin e 4 komisariateve gjatë kohës që mbante pozicionin e sekretarit të Përgjithshëm të Ministrisë së Brendshme.

CNA pati raportuar më herët se ndaj Ndrecës ishin duke u zhvilluar hetime, por ky i fundit i mohonte. (Lexo këtu)

Plarent Ndreca mashtroi publikisht shqiptarët
SPAK

Vetëm një javë më parë, deputeti gënjeu publikisht, duke deklaruar se ndaj tij nuk kishte asnjë hetim nga Prokuroria e Posaçme.

Ndreca tha në emisionin “Opinion” se nuk ka pasur abuzime me tenderat dhe nuk ka bërë asnjë dëm në buxhetin e shtetit. 

“Nuk është e vërtetë, zero kallëzim për mua, zero lekë të shpenzuara nga buxheti i shtetit. Nuk jam kallëzuar unë nga KLSH, zero lekë nga buxheti i shtetit”, u shpreh deputeti i PS-së.

Marrja si i pandehur nga SPAK-u tregon qartë se Ndreca mashtroi të gjithë opinionin publik, duke thënë se për të nuk kishte asnjë kallëzim. (Lexo këtu)

Në fakt, për Ndrecën nuk ishte vetëm çështja e abuzimit me tenderin nën hetim, pasi ka edhe çështje të tjera.

Plarent Ndreca mashtroi publikisht shqiptarët
Plarent Ndreca

Plarent Ndreca dilte dhe ligjëronte nëpër ekrane, duke kërcënuar me padi, se njerëzit po shpifnin e po gënjenin, se ky qe një jurist i madh dhe do t’i bënte dëmin dynjasë.

Ndërkohë, sot është zyrtarisht nën akuzë për shkelje të barazisë në tendera, një akuzë e cila duhet të dërgojë të paktën tek hetimi i pasurisë së Plarent Ndrecajt që shqiptarët të kuptojnë se kush ka qenë në të vërtetë ky megalloman në ekranet shqiptare./ CNA





Lajmet e fundit nga