web counter
LEXO PA REKLAMA!

SHKARKO APP

App Store
Google Play

E fundit!

x

Rama i përgjigjet Sekretares britanike: Jeni me trauma nga 'Brexit', shqiptarët kontribuojnë në ekonominë tuaj

21 Nëntor 2025, 16:04, Politikë CNA

Rama i përgjigjet Sekretares britanike: Jeni me trauma nga

Kryeministri Edi Rama i është përgjigjur sot në distancë Sekretares së Brendshme britanike lidhur me deklaratat e saj të pak ditëve më parë mbi dëbimin e 700 familjeve shqiptare që jetojnë atje.

Në një event këtë të premte, Rama tha se ndryshe nga sa paraqitet, shqiptarët janë kontribues në ekonominë britanike, gjë që sipas tij vërtetohet me fakte.

Rama e cilësoi Mbretërinë e Bashkuar si një të ‘divorcuar’ nga BE-ja, prej së cilës kanë një traumë që po ua nxjerrin shqiptarëve.

“Pak ditë më parë, Sekretarja e Brendshme britanike përmendi shqiptarët, që u refuzohej leja për qëndrim. Në një vend prej 67 milionë banorësh, një pëshpërimë statistikore, e fryrë si një sirenë politike. Po e përmend jo për ta dramatizuar apo ngatërruar BE-në me të ‘divorcuarën’. Por tregon se BE kërkon t’i mbetet besnike vetes. Edhe mund ta kuptojmë sepse ka një traumë atje. Ata nënçmojnë një bashkësi të vogël, që tregon se frika flet më shumë sesa faktet. Faktet janë të qarta si kristal. Shqiptarët janë kontribues neto në ekonominë britanike. Vazhdon e njëjta histori. Këtu vjen lidhja me studentët e Kolegjit të Europës. Zgjerimi, që e shoh si ribashkim, lulëzon kur ekziston ribashkimi.”,-tha Rama./CNA





Lajmet e fundit nga