web counter
LEXO PA REKLAMA!

SHKARKO APP

App Store
Google Play

E fundit!

x

Çelet viti akademik i Kolegjit të Europës në Tiranë/ Mogherini: Bashkon rajonin, afron integrimin

21 Nëntor 2025, 15:20, Politikë CNA

Çelet viti akademik i Kolegjit të Europës në Tiranë/

Këtë të premte u çel zyrtarisht viti akademik 2025-2026 i degës së Kolegjit të Europës në Tiranë.

E pranishme ishte edhe Rektorja e Kolegjit të Europës, Federica Mogherini.

Në fjalën e saj gjatë eventit, Mogherini u ndal te risia e këtij institucioni të arsimit të lartë në Shqipëri, si një mundësi e mirë për të bashkuar rajonin përmes shumë të rinjve, studiuesve dhe akademikëve të fushave të ndryshme.

Mogherini theksoi se profesionistët e rinj të këtyre fushave, do të kontribuojnë duke mundësuar afërsinë me integrimin europian.

“Kjo është çelja zyrtare e vitit akademik, që e përuroj unë sot. Ky është grupi i dytë që kemi në Tiranë dhe është transformative për KE. Kemi 41 studentë, të përzgjedhur pas një procesi sfidues dhe ju përgëzoj të gjithëve. Ishin 160 aplikues dhe u zgjodhën pas shumë intervistash. Ka një balancë gjinore. Mosha mesatare është 26 vjeç. Sa herë themi që Kolegji ka hapur një degë në Tiranë, u themi që vijnë edhe nga rajoni. Kjo është një gjë që na gëzon. Ideja që erdhëm në Tiranë, ishte të sillnim edhe vende që nuk kishin ardhur në rajon. 90% janë këtu me bursë ose asistencë financiare. Janë pedagogët, janë akademikë ose ekspertë në fusha të ndryshme. Ky diversitet na bën edhe të shijojmë motin, se këtu bie shi ndërsa dje në Bruksel binte borë. Jemi këtu të gjithë së bashku që ta bëjmë integrimin edhe më të vërtetë. Duhen plotësuar kriteret, vullneti politik dhe kapaciteti i institucioneve apo edhe atyre teknike”,-tha Mogherini./CNA





Lajmet e fundit nga