web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i GJKKO-së për Ballukun/ Bardhi: Problemi i Shqipërisë është se ka një kryeministër të korruptuar

21 Nëntor 2025, 15:06, Politikë CNA

Vendimi i GJKKO-së për Ballukun/ Bardhi: Problemi i

Kreu i Grupit Parlamentar të Partisë Demokratike, Gazment Bardhi, me anë të një deklarate për mediat ka reaguar në lidhje me vendimin e GJKKO-së për Belinda Ballukun.

Bardhi deklaroi se problemi nuk është vendimi për Ballukun, por kryeministri i korruptuar që nuk shkarkon bashkëpunëtoren e tij.

Kreu i Grupit Parlamentar tha se kjo nuk ka ndodhur në asnjë vend të Europës.

 

 

“Problemi i Shqipërisë nuk është se kanë një zëvendëskryeministre të pezulluar me vendim gjykate nga detyra për shkelje të barazisë në tenderë, problemi është se kanë një kryeministër të korruptuar që nuk e shkarkon bashkëpunëtoren dhe të besuarën e tij të marrë të pandehur, sepse është bashkë peng në aferat korruptive me të.

Kjo është një e vërtetë që nuk ka bërë vaki në asnjë vend të Europës. Pak ditë më parë ju solla një rast shumë më europian, që ka ndodhur jo në Shqipëri, por që tregon një standard të dyfishtë të Shqipërisë në raport me BE-në. Në Europë politikanët mbajnë përgjegjësi. Në Portugali, Antonio Kosta dha dorëheqje sapo u përfshi në hetim për korrupsion, pa pritur as akuzë, për të mos cenuar dinjitetin e shtetit”, tha Bardhi.





Lajmet e fundit nga