web counter
LEXO PA REKLAMA!

SHKARKO APP

App Store
Google Play

Konferenca me Marta Kos/ Rama: Mbyllëm një takim të frytshëm me hapa konkretë, afrojnë rajonin me BE-në

21 Nëntor 2025, 12:38, Politikë CNA

Konferenca me Marta Kos/ Rama: Mbyllëm një takim të frytshëm

Kryeministri Edi Rama po zhvillon një konferencë të përbashkët për mediat me Komisioneren e BE-së për Zgjerim, Marta Kos. Rama ka ndarë detaje nga diskutimet në samitin për Planin e Rritjes për Ballkanin Perëndimor.

Ai tha se samiti ishte një takim i frytshëm dhe me hapa konkretë të cilët sipas tij afrojnë rajonin me BE-në. Rama shtoi më tej se kjo konfirmon se Plani i ri i Rritjes është një urë e shpejtë dhe e sigurt drejt tregut europian.

"Kemi mbyllur një takim të frytshëm me hapa konkretë që afrojnë rajonin me BE-në, duke konfirmuar se Plani i ri i Rritjes është një urë e shpejtë dhe e sigurt drejt tregut europian. Roaming që me marrëvëshjen e re do të përfshihet edhe për qytetarët tanë në regjimin e BE-së. Një hap domethënës pas atij për pagesat. Ndërlidhja me korridoret europiane vazhdon të mbetet prioritet dhe të financohet nga instrumentet e BE-së. Tregtia dhe lehtësimi i saj përmes një plani të detajuar lidhur me pikat kufitare, transformimi digjital dhe identiteti digjital, të cilin e kemi gati dhe do ta fusim në jetën reale në fillim të vitit të ardhshëm. S'do të ketë më nevojë për karta identiteti apo pasaporta, sepse identifikimi do të bëhet përmes celularit. Folëm edhe për turizmin si komponent që duhet fuqizuar në sensin e bashkëpunimit mes vendeve. Mendoj se kemi hapur një shteg tjetër për të bashkëpunuar me KE-në në funksion të fuqizimit të arsimit të lartë përmes ndërkombëtarizimit. Me ndihmën e KE-së mund ta çojmë në një nivel tjetër, jo vetëm në Shqipëri, por në të gjithë rajonin", tha Rama. /CNA





Lajmet e fundit nga