web counter
LEXO PA REKLAMA!

SHKARKO APP

App Store
Google Play

"E nxorët nga dera kryetarin dhe e futët nga dritarja", Teliti: Duhet transparencë, kush e drejton Bashkinë e Tiranës

21 Nëntor 2025, 12:01, Politikë CNA

"E nxorët nga dera kryetarin dhe e futët nga dritarja",

Këshilltari i opozitës, Dorian Teliti, ka kërkuar në mbledhjen e Këshillit Bashkiak të Tiranës të futen në rend dite diskutimet se kush po e menaxhon Bashkinë e Tiranës.

Teliti, gjatë fjalës së tij, citoi një deklaratë të kryetares së komanduar, Anuela Ristani, ku, sipas tij, ajo është shprehur se nuk duhet t'i kërkojnë llogari, pasi ajo nuk është kryetare e zgjedhur. Më tej shtoi se Erion Veliaj po ndërmerr akte nga qelia e burgut.

“E nxorët nga dera kryetarin e bashkisë dhe e futët nga dritarja. Ky Këshill duhet të fusë urgjentisht në rend dite si po ecin punët në Bashkinë e Tiranës. Duhet diskutuar çfarë po ndodh me Bashkinë e Tiranës. 

Kemi një deklaratë të kryetares në detyrë, në mbledhjen e fundit ku tha se unë nuk jam kryetare e zgjedhur, mos më kërkoni llogari mua për çdo gjë. Tani kemi një vendim të Gjykatës Kushtetuese. Kemi dhe ca akte të ndërmarra, nga kryetari i bashkisë që nuk është fizikisht në detyrë.

A mund të dimë si po menaxhohet kjo bashki? A mund të diskutojmë kush është ekzekutivi i kësaj bashkie? Po kërkojmë transparencë. E përcaktoni vetë rendin e ditës, orarin e mbledhjes, nuk e respektoni orarin e mbledhjes, Fusni në rend dite akte që nuk kanë kaluar në komisione”, tha Teliti./CNA





Lajmet e fundit nga