E fundit!

08:28 Kronika

"Mos kalo nga kjo rrugë"/ Si nisi konflikti mes dy vëllezërve në Kavajë që përfundoi në vrasje

Një person është vrarë mbrëmjen e djeshme nga vëllai i tij...

"77% e fëmijëve dhunohen, 48% në rrezik varfërie"/ Zhupa: Realitet alarmant që kërkon veprim

20 Nëntor 2025, 18:49, Politikë CNA

"77% e fëmijëve dhunohen, 48% në rrezik varfërie"/

Deputetja e Partisë Demokratike, Ina Zhupa në një reagim në rrjetet sociale për Ditën Ndërkombëtare të Fëmijëve deklaron se sot është dita kur duhet të flitet për realitetin alarmant të fëmijëve në Shqipëri. Zhupa ka sjellë statistikat e KiE dhe CRCA për dhunën ndaj fëmijëve dhe mohimin e të drejtave të tyre.

Zhupa deklaron se 48% e fëmijëve nën 6 vjeç jetojnë në rrezik varfërie, 17% e fëmijëve nën 5 vjeç janë obezë dhe këto janë pasqyrë e realitetit për të cilin duhet veprim urgjent.

"Sot, Dita Ndërkombëtare e Fëmijëve, të cilët janë gëzimi i çdo familje por që përballen plot problematika në Shqipëri. Nuk flitet mjaftueshëm për ta se ashtu si edhe sot, lajmet e korrupsionit qeveritar dhe titujt për hetimet zënë faqen e parë kudo.

Megjithatë sot është dita kur duhet të flasim qartë për realitetin e fëmijëve në Shqipëri dhe për përgjegjësinë që kemi ne, si institucione dhe si shoqëri.

Statistikat janë alarmante:

48% e fëmijëve nën 6 vjeç jetojnë në rrezik varfërie.

Sipas Këshillit të Europës, 77% e fëmijëve 2–14 vjeç përjetojnë disiplinë të ashpër, përfshirë ndëshkim fizik.

Sipas raportit të CRCA, 86% e fëmijëve ndjejnë se të drejtat e tyre nuk respektohen.

17% e fëmijëve nën 5 vjeç janë obezë, një nivel 3-fish më i lartë se mesatarja globale.

Këto nuk janë thjesht numra. Janë pasqyra të një realiteti që kërkon veprim urgjent. Vlera e vetëm një nga aferat që mbushin mediat do zgjidhte varfërinë e këtyre fëmijëve.

Si deputete, mbetem e përkushtuar të punoj për politika që i vendosin fëmijët në qendër, duke mbrojtur të drejtat e tyre dhe duke krijuar një vend ku çdo fëmijë rritet i sigurt, i shëndetshëm dhe me ëndrra të mëdha.

Duhet punojmë për të: Forcuar ligjet për mbrojtjen e fëmijëve; siguruar mbështetje ekonomike për familjet në nevojë, që asnjë fëmijë të mos rritet në varfëri; Për të investuar në edukim, shëndet dhe programe ushqyerjeje për parandalimin e obezitetit tek fëmijët; Për të forcuar mekanizmat e mbrojtjes nga dhuna në familje dhe në shkolla; Gjithashtu të rrisim zërin e fëmijëve në vendimmarrje, duke u garantuar atyre respektim të plotë të të drejtave.

Fëmijët janë e ardhmja e vendit.

Nëse nuk i mbrojmë sot, nuk mund të pretendojmë një Shqipëri më të mirë nesër", deklaron Zhupa.