web counter
LEXO PA REKLAMA!

SHKARKO APP

App Store
Google Play

Samiti i BE-së sot në Tiranë/ Nga pritja e liderëve te konferenca, zbardhet agjenda

21 Nëntor 2025, 07:46, Politikë CNA

Samiti i BE-së sot në Tiranë/ Nga pritja e liderëve te

Tirana do të presë ditën e sotme Samitin për Planin e Rritjes, “Rruga jonë drejt BE-së”. Ky samit pritet të bëjë bashkë liderët e Ballkanit Perëndimor, Komisioneren për Zgjerimin e Bashkimit Europian, Marta Kos, përfaqësues të lartë nga Komisioni Europian, si dhe nga organizatat rajonale.

Në samit do të diskutohet për Planin e Rritjes, integrimin ekonomik dhe transformimin e rajonit drejt Tregut të Bashkimit Europian, i cili promovon një mjedis të favorshëm për inovacionin, sipërmarrjen dhe progresin teknologjik dhe krijon mundësi të reja për zhvillim të qëndrueshëm dhe konkurrueshmëri.

Samiti do të zhvillojë punimet i konceptuar në dy panele diskutimesh: “Formimi i nismave të reja, me përfitime për qytetarët dhe biznesin” dhe “Përmbushja e angazhimeve të përbashkëta – Rezultatet dhe përshpejtimi”, ku do të lançohet Udhërrëfyesi për Ballkanin Perëndimor e do të flitet mbi pozicionimin e rajonit në ekosistemin AI të BE, korsitë e gjelbra, bashkëpunimin në fushën e turizmit, mbi progresin dhe hapat e ardhshëm drejt tregut të përbashkët rajonal etj.  

Kryeministri Rama do të presë liderët e Kosovës, Malit të Zi, Bosnje-Hercegovinës, Maqedonisë së Veriut dhe Serbisë, si dhe Komisioneren për Zgjerimin e BE-së Marta Kos, në Pallatin e Brigadave. Rama dhe Kos, do të adresohen me një fjalë në nisje të punimeve të Samitit, ndërsa pas zhvillimit të tij, ata do të mbajnë një konferencë të përbashkët për shtyp.

Agjenda e plotë: 

Ora: 09:30 – 12:00

Vendi: Pallati i Brigadave

09:30  - Mirëseardhja/ Doorstep Statements

10:00 – Nisja e punimeve të Samitit Growth Plan

Fjalët Hapëse

•  Kryeministri i Shqipërisë, Edi Rama

•  Komisionerja e BE-së për Zgjerimin, Marta KOS

11:30  - Foto Familjare

11:35 –  Konferencë për shtyp, Kryeministri i Shqipërisë Edi Rama dhe Komisionerja e BE-së për Zgjerimin, Marta Kos. /CNA





Lajmet e fundit nga