web counter
LEXO PA REKLAMA!

SHKARKO APP

E fundit!

x

"Fundi i një qeverie"/ Këlliçi: Ringritja institucionale kalon nga dorëheqja e menjëhershme e Ramës

20 Nëntor 2025, 20:33, Politikë CNA

"Fundi i një qeverie"/ Këlliçi: Ringritja

Deputeti i Partisë Demokratike Belind Këlliçi në një postim në rrjetet sociale ka deklaruar se skandali Balluku-Rama është larg të qenit një incident i izoluar.

Këlliçci shkruan se ky është fundi moral dhe historik i një qeverie të korruptuar në çdo qelizë dhe ringritja realizohet vetëm me dorëheqjen e kryeministrit Edi Rama.

 

"FUNDI i një qeverie!

Skandali Balluku-Rama është larg së qëni një incident i izoluar apo afera korruptive e rradhës.

Faktet e zbardhura, përgjimet, “interesat gjeopolitike” dhe gjithë skema, tregojnë për një vullnet të qartë korruptiv që shkon në majën e qeverisë, drejt e tek Palloshi i Gjatë alias Edi Rama!

Nuk ka më asnjë justifikim moral, politik, logjik apo edhe ligjor që Edi Rama të vijojë të mbetet Kryeministër i Shqipërisë.

Shkarkimi me gjykatë dhe shantazhet mafioze “po rashë unë do të të marr me vete” nuk janë zgjidhje për situatën e rëndë ku kjo klikë e ka futur vendin.

Çdo politikan i zgjedhur me votë, çdo veprimtar politik apo edhe votues i thjeshtë ka detyrën të reagojë ndaj përgjegjësisë së drejtpërdrejtë kryeministrore në këtë aferë kriminale.

Nuk ka më asnjë arsye që kjo bandë të vazhdojë të pretendojë legjitimitet për të zaptuar zyrat e shtetit.

Ky është fundi moral dhe historik i një qeverie të korruptuar në çdo qelizë.

Ringritja institucionale dhe normalizimi politik i Shqipërisë duhet të kalojë patjetër nga dorëheqja e menjëhershme e Edi Ramës.

Çdo ditë që kalon është shumë vonë", deklaron Këlliçi.

GJKKO pezulloi nga detyra e zv.kryeministres dhe ministres së Infrastrukturës dhe Energjisë Ballukun dhe caktoi masën "arrest në shtëpi" për Gnetian Gjylin dhe Erald Elezin. Vendimi solli një lumë reagimesh nga opozita duke hedhur akuza për korrupsion dhe duke kërkuar largimin e Ramës nga pushteti./CNA

 

 

 

 





Lajmet e fundit nga